തന്റെ പേരിൽ ആരംഭിച്ച യൂട്യൂബ് ചാനല് കൈകാര്യം ചെയ്തിരുന്നവര് ചാനലിലൂടെ ലഭിച്ച വരുമാനത്തിന്റെ നല്ലൊരു ഭാഗവും തട്ടിയെടുത്തെന്ന ആരോപണവുമായി നടിയും അവതാരകയുമായ മീനാക്ഷി അനൂപ് രംഗത്ത് വന്നു.തന്റെ പേരില് യൂട്യൂബ് നല്കിയ പ്ലേ ബട്ടണ് പോലും ചാനൽ കൈകാര്യം ചെയ്തിരുന്നവർ തന്നില്ലെന്നും മീനാക്ഷി ആരോപിച്ചു. പഴയ യൂട്യൂബ് ചാനല് നഷ്ടമായതിന് പിന്നാലെ യൂട്യൂബില് മീനാക്ഷി ഒരു പുതിയ ചാനല് തുടങ്ങിയിട്ടുണ്ട്.
‘യൂട്യൂബ് ചാനല് തുടങ്ങാമെന്ന് പറഞ്ഞ് ഒരു ടീം തങ്ങളെ സമീപിക്കുകയായിരുന്നു. അവര് തന്നെയാണ് ഇമെയില് ഐഡിയും പാസ്വേര്ഡുമെല്ലാം സെറ്റ് ചെയ്തത്. രണ്ടു ലക്ഷത്തോളം സബ്സ്ക്രൈബേഴ്സ് ഉണ്ടായിരുന്നു. അവര് തന്നെയാണ് വീഡിയോകള് എടുത്തിരുന്നതും എഡിറ്റ് ചെയ്ത് അപ്ലോഡ് ചെയ്തിരുന്നതുമെല്ലാം. പക്ഷേ കിട്ടിയ പ്ലേ ബട്ടണ് പോലും തന്നില്ല. ആക്രിക്കടയില് കൊടുത്ത് അതും പണമാക്കിയോ എന്നറിയില്ല.’ മീനാക്ഷി പറഞ്ഞു.