ദില്ലി: ഇന്ത്യയുടെ വീര പുത്രന് വ്യോമസേന വിംഗ് കമാന്ഡര് അഭിനന്ദന് വര്ധമാന്റെ പേരില് വ്യാജ അക്കൗണ്ട്. ട്വിറ്ററിലാണ് അഭിനന്ദന്റെ പേരില് വ്യാജ അക്കൗണ്ടുകള് പ്രത്യക്ഷപ്പെട്ടത്. പ്രതിരോധമന്ത്രി നിര്മല സീതാരാമന് അഭിനന്ദനെ സന്ദര്ശിച്ച ചിത്രങ്ങളും വ്യാജ അക്കൗണ്ടിലൂടെ പ്രചരിച്ചിരുന്നു.
അഭിനന്ദന്റെ അക്കൗണ്ടില്നിന്ന് സീതാരാമനു നന്ദി അറിയിച്ചുള്ള സന്ദേശങ്ങളും പ്രചരിച്ചിരുന്നു. അതേസമയം അഭിനന്ദന്റെ പേരിലുള്ള അക്കൗണ്ടുകള് വ്യാജമാണെന്ന് സര്ക്കാര് വൃത്തങ്ങള് സ്ഥിരീകരിച്ചു. ഇതിനു പിന്നാലെയാണ് ട്വീറ്റര് അക്കൗണ്ട് നീക്കം ചെയ്തത്. ഫേസ്ബുക്കിലും അഭിനന്ദന്റെ പേരില് വ്യാജ പേജുകള് പ്രത്യക്ഷപ്പെട്ടിരുന്നു.