തിരുവനന്തപുരം: സംസ്ഥാനത്തെ എല്ലാ സ്കൂളുകൾക്കും നാളെ പ്രവർത്തി ദിനമായിരിക്കും. സെപ്റ്റംബർ 2 മുതലാണ് ഓണാവധി. കഴിഞ്ഞ മാസം ശക്തമായ മഴയെത്തുടർന്ന് സ്കൂളുകളിൽ കുട്ടികൾക്ക് പല ദിവസവും അവധി നൽകിയിരുന്നു.
അതിനാൽ തന്നെ പാഠഭാഗങ്ങൾ പഠിപ്പിച്ചുതീർക്കാനാണ് നാളെ ക്ലാസ് നടത്തുന്നത്. ഈ മാസം 24-ാം തീയ്യതി ഓണപ്പരീക്ഷ ആരംഭിക്കും. പരീക്ഷകൾക്ക് ശേഷം സെപ്റ്റംബർ രണ്ടിന് ഓണാഘോഷം നടത്തും. തുടർന്ന് സ്കൂളുകൾ അടയ്ക്കും. സെപ്റ്റംബർ 12ന് ആണ് സ്കൂൾ വീണ്ടും തുറക്കുന്നത്.
