ഫെബ്രുവരി പതിനാല് വ്യാഴാഴ്ച് പുൽവാമയിൽ നടന്ന ഭീകരാക്രമണത്തിൽ വീരമൃത്യുവരിച്ച 40 സിആർപിഎഫ് ജവാന്മാരുടെ കുടുംബങ്ങൾക്ക്, മാതാ അമൃതാനന്ദമയി മഠം അഞ്ച് ലക്ഷം രൂപ വീതം ധനസഹായം പ്രഖ്യാപിച്ചു. ഈ വർഷത്തെ ഭാരതയാത്രയുടെ ഭാഗമായി മൈസൂരിയിൽ എത്തിയ മാതാ അമൃതാനന്ദമയി മാധ്യമങ്ങളോട് സംസാരിക്കുകയായിരുന്നു .
രാജ്യത്തെ സംരക്ഷിക്കാനുള്ള ധർമ്മനിർവ്വഹണത്തിനിടയിൽ വീരമൃത്യു വരിച്ചവരുടെ കുടുംബങ്ങളോടൊപ്പം നിൽക്കുകയെന്നത് നമ്മുടെ ധർമ്മമാണെന്നും അവരുടെ കുടുംബാംഗങ്ങളോടും പ്രിയപ്പെട്ടവരോടുമൊപ്പം ചേർന്നുകൊണ്ട്, ശാന്തിക്കും സമാധാനത്തിനും വേണ്ടി പ്രാർത്ഥിക്കാനും മാതാ അമൃതാനന്ദമയി ആഹ്വാനം ചെയ്തു.
