ആളുകളില്‍ ഇന്ന് വളരെ സാധാരണയായി കാണുന്ന ഒന്നാണ് തൈറോയ്ഡ് രോഗം. സാധാരണയായി അയഡിന്റെ അഭാവം മൂലമാണ് തൈറോയ്ഡ് രോഗം പിടിപെടുന്നത്. സ്ത്രീകളില്‍ തൈറോയ്ഡ് രോഗം വളരെ സാധാരണമായി കാണുന്നുണ്ട്. തൈറോയ്ഡ് രോഗം ഒഴിവാക്കാന്‍ ചെയ്യാവുന്ന ചില കാര്യങ്ങള്‍ അറിയാം.
- എക്‌സ്-റേ എടുക്കുമ്പോള്‍ ശ്രദ്ധിക്കുക:എക്‌സ്‌റേ എടുക്കുമ്പോള്‍ റേഡിയോളജിസ്റ്റിനോട് തൈറോയ്ഡ് കോളര്‍ നല്‍കാന്‍ ആവശ്യപ്പെടുക. എക്‌സ്-റേ സമയത്ത് റേഡിയേഷന്‍ മൂലമുളള അപടകം ഒഴിവാക്കാന്‍ തൈറോയ്ഡ് കോളര്‍ സഹായിക്കും.
- പുകയില ഉപയോഗം നിര്‍ത്തുക:പുകയിലയില്‍, പ്രത്യേകിച്ച് സിഗരറ്റില്‍ അയഡിന്‍ ആഗിരണ പ്രക്രിയയെയും തൈറോയ്ഡ് ഹോര്‍മോണ്‍ രൂപീകരണത്തെയും തടയാന്‍ കഴിയുന്ന തയോസയനേറ്റ് പോലുള്ള വിഷവസ്തുക്കള്‍ അടങ്ങിയിട്ടുണ്ട്. ഇത് തൈറോയ്ഡ് രോഗത്തിലേക്ക് നയിച്ചേക്കാം.
3.പതിവായി തൈറോയ്ഡ് പരിശോധിക്കുക: കണ്ണാടിക്ക് മുന്നില്‍ നിന്ന് തൊണ്ടയില്‍ മുഴകളോ വീക്കമോ ഉണ്ടോയെന്ന് പരിശോധിക്കാവുന്നതാണ്. പുറമെ കാണപ്പെട്ടില്ലെങ്കിലും ചിലരില്‍ തൈറോയ്ഡ് ഉണ്ടാകാറുണ്ട്. അതിനാല്‍ പതിവായി തൈറോയ്ഡ് പരിശോധന നടത്തുക.
4.ഭക്ഷണക്രമം ശ്രദ്ധിക്കുക:തൈറോയ്ഡ് രോഗം തടയുന്നതിനുള്ള ഒരു പ്രധാന ഭാഗമാണ് ഭക്ഷണക്രമം.ചില പഠനങ്ങള്‍ അനുസരിച്ച് സോയ ഉല്‍പ്പന്നങ്ങള്‍ തൈറോയ്ഡ് പ്രശ്‌നങ്ങള്‍ക്ക് കാരണമാകും.
- പതിവായി ആരോഗ്യ പരിശോധനകള്‍ നടത്തുക: പലപ്പോഴും, മിക്കയാളുകള്‍ക്കും തൈറോയ്ഡ് രോഗത്തിന്റെ പ്രാരംഭ ലക്ഷണങ്ങള്‍ മനസ്സിലാക്കാന്‍ കഴിഞ്ഞെന്നു വരില്ല.ഈ സാഹചര്യത്തില്‍, പതിവായി തൈറോയ്ഡ് പരിശോധനകള്‍ നടത്തുന്നത് തുടരുക
- കുടിവെള്ളം ശുദ്ധമാണെന്ന് ഉറപ്പാക്കുക:ഇക്കാലത്ത്, വെള്ളത്തില്‍ ഫ്‌ലൂറൈഡ്, പെര്‍കലേറ്റ് തുടങ്ങിയ ധാതുക്കള്‍ കൂടുതലാണ്.വാട്ടര്‍ പ്യൂരിഫയര്‍ ഉപയോഗിക്കുന്നില്ലെങ്കില്‍ കുടിവെള്ളം പരിശോധിച്ച് മാലിന്യങ്ങളില്ലെന്ന് ഉറപ്പ് വരുത്തണം.
- ആരോഗ്യകരമായ ജീവിതശൈലി സ്വീകരിക്കുക:സമീകൃതാഹാരവും വ്യായാമവും ഉള്ള ആരോഗ്യകരമായ ജീവിതശൈലി ശരീരത്തിന്റെ പ്രവര്‍ത്തനക്ഷമതയെ സഹായിക്കും. ഇതോടൊപ്പം ഭാവിയില്‍ തൈറോയ്ഡ് രോഗ സാധ്യതയും കുറയ്ക്കും.
