Friday, March 29, 2024
spot_img

‘കുട്ടിയാണെന്ന പരിഗണന പോലുമില്ലാതെ നരഹത്യാശ്രമം’; തലശ്ശേരിയിൽ കാറിൽ ചാരി നിന്നതിന് ആറ് വയസ്സുകാരനെ ചവിട്ടിയ സംഭവം;റെക്കോര്‍ഡ് വേഗത്തില്‍ കുറ്റപത്രം സമര്‍പ്പിച്ച് ക്രൈംബ്രാഞ്ച്

കണ്ണൂര്‍:തലശ്ശേരിയിൽ ആറ് വയസ്സുകാരനെ കാറിൽ ചാരി നിന്നെന്ന പേരിൽ ചവിട്ടി വീഴ്ത്തിയ സംഭവത്തിൽ കുറ്റപത്രം സമര്‍പ്പിച്ച് ജില്ലാ ക്രൈംബ്രാഞ്ച്.കുട്ടിയാണെന്ന പരിഗണന പോലുമില്ലാതെ നരഹത്യാശ്രമമെന്നാണ് കുറ്റപത്രത്തിലുള്ളത്.ക്രൈംബ്രാഞ്ച് എസിപി കെ വി ബാബുവിന്‍റെ നേതൃത്വത്തിലാണ് കുറ്റപത്രം സമര്‍പ്പിച്ചത്. തലശ്ശേരി സിജെഎം കോടതിയില്‍ 15 ദിവസം കൊണ്ടാണ് സമര്‍പ്പിച്ചത്.

നവംബർ മൂന്നിന് വൈകിട്ടാണ് കുഞ്ഞിനെ യുവാവ് ക്രൂരമായി ആക്രമിച്ചത്.കാറിൽ ചാരിനിന്നതിനാണ് രാജസ്ഥാൻ സ്വദേശികളായ നാടോടി കുടുംബത്തിലെ ഗണേഷ് എന്ന കുഞ്ഞിനെ പൊന്ന്യം സ്വദേശി മുഹമ്മദ് ഷിനാദ് ചവിട്ടിത്തെറിപ്പിച്ചത്. ക്രൂര കൃത്യത്തിന്‍റെ ദൃശ്യങ്ങളും സാക്ഷി മൊഴികളുമുണ്ടായിട്ടും തുടക്കത്തിൽ കേസെടുക്കാതെ പോലീസ് പ്രതിയെ വിട്ടയക്കുകയായിരുന്നു.കുട്ടിക്കെതിരെ മുഹമ്മദ് ഷിഹാദ് നടത്തിയത് കുറ്റകരമായ നരഹത്യാ ശ്രമമാണെന്നാണ് പോലീസ് റിമാൻഡ് റിപ്പോർട്ടിലുള്ളത്.

Related Articles

Latest Articles