ദില്ലി : രാജ്യത്ത് ദേശീയ പാർട്ടികളിൽ ഏറ്റവും കൂടുതൽ വരുമാനം ബിജെപിക്ക്. 1917.12 കോടിയാണ് ബിജെപിയുടെ 2021-22 വർഷത്തെ വരുമാനം. രണ്ടാം സ്ഥാനത്ത് തൃണമൂൽ കോൺഗ്രസാണ്. കോൺഗ്രസിനെ തള്ളിയാണ് തൃണമൂൽ രണ്ടാം സ്ഥാനത്തേക്ക് ഉയർന്നത്. തെരഞ്ഞെടുപ്പ് കമ്മീഷന്റെ കണക്കുപ്രകാരം 545.74 കോടിയാണ് തൃണമൂലിന്റെ വരുമാനം.
കോൺഗ്രസ് തൊട്ടുപിന്നാലെയുണ്ട്. 541.27 കോടിയാണ് കോൺഗ്രസിന്റെ വരുമാനം. 162.24 കോടിയാണ് സിപിഎമ്മിന്റെ വരുമാനം. എൻസിപിക്ക് 75.8 കോടിയും ബി.എസ്.പിക്ക് 43.77 കോടിയും സിപിഐക്ക് 2.87 കോടിയും വരുമാനമുണ്ട്.
