പത്തനംതിട്ട : കാർ ഇടിച്ച് ഉണ്ടായ അപകടത്തിൽ രണ്ടുപേർക്ക് ദാരുണാന്ത്യം. പാലക്കാട് സ്വദേശിയായ ഷാജി, ആലപ്പുഴ സ്വദേശിയായ ശ്രീജിത്ത് എന്നിവരാണ് അപകടത്തിൽ മരിച്ചത്. അമിത വേഗത്തിലെത്തിയ കാർ രണ്ട് ബൈക്കുകളിൽ ഇടിച്ചായിരുന്നു അപകടം സംഭവിച്ചത്.
ഇന്ന് പുലർച്ചെയാണ് അപകടം നടന്നത്. എതിർവശത്ത് കൂടി അമിത വേഗത്തിൽ വന്ന കാർ ബൈക്കുകളെ ഇടിക്കുകയായിരുന്നു. രണ്ട് ബൈക്കുകളിലായി നാല് പേരായിരുന്നു ഉണ്ടായിരുന്നത്. പരിക്കേറ്റ ഇവരെ ഉടൻ തന്നെ പത്തനംതിട്ട ജനറൽ ആശുപത്രിയിൽ എത്തിച്ചെങ്കിലും രണ്ടുപേരുടെ ജീവൻ രക്ഷിക്കാനായില്ല. പരിക്കേറ്റ മറ്റ് രണ്ട് പേർ ആശുപത്രിയിൽ ചികിത്സയിലാണ്.