കൊച്ചി : ബ്രഹ്മപുരം വിഷയത്തിൽ മുഖ്യമന്ത്രിക്കെതിരെ രൂക്ഷ വിമർശനവുമായി രമേശ് ചെന്നിത്തല. കൊച്ചി ഇപ്പോൾ ഗ്യാസ് ചേംബറിനുള്ളിലാണെന്നും ജങ്ങളെ ബന്ദിയാക്കുകയാണ് സർക്കാരെന്നും അദ്ദേഹം വിമർശിച്ചു. വിഷയത്തിൽ ഇതുവരെ പരിഹാരം കാണാൻ കഴിഞ്ഞിട്ടില്ല. മുഖ്യമന്ത്രി ഇതിന്നും കാണുന്നില്ലേ എന്നും അദ്ദേഹം ആരോപിച്ചു.. മാലിന്യത്തിന്റെ മലകൾ ഉണ്ടാക്കി വെച്ചിട്ടല്ല മാലിന്യം സംസ്കരിക്കണ്ടതെന്ന് അദ്ദേഹം കുറ്റപ്പെടുത്തി. മുഖ്യമന്ത്രി നാടുവിട്ട് പോയോ എന്നും അദ്ദേഹം ചോദിച്ചു.
ബ്രഹ്മപുരം വിഷയത്തിൽ ഇതുവരെ ഒരന്വേഷണവും ഉണ്ടായിട്ടില്ലെന്നും ഒരു എഫ് ഐ ആർ പോലും രേഖപ്പെടുത്തിയിട്ടില്ലെന്നും അദ്ദേഹം പറഞ്ഞു. വിഷയത്തിൽ മുഖ്യമന്ത്രി പ്രതികരിച്ചിട്ടില്ലെന്നും അദ്ദേഹം വിമർശിച്ചു.
