ദില്ലി : കേന്ദ്രസർക്കാർ ജീവനക്കാർക്കും പെൻഷന് അർഹരായവർക്കും ക്ഷാമബത്ത വർധിപ്പിച്ചു. പ്രധാനമന്ത്രി നരേന്ദ്രമോദി അടക്കമുള്ള മന്ത്രിസഭാ യോഗത്തിലാണ് ഇത് സംബന്ധിച്ച തീരുമാനമുണ്ടായത്.
മൂന്ന് ശതമാനമാണ് ക്ഷാമബത്ത വർധിപ്പിച്ചത്. കേന്ദ്രസർക്കാർ ജീവനക്കാർക്ക് ഡിഎയും പെൻഷൻകാർക്ക് ഡിആറുമാണ് വർധിപ്പിച്ചത്.
2022 ജനുവരി ഒന്ന് മുതലുള്ള ക്ഷാമബത്തയിലാണ് വർധനവ് നടപ്പിലാക്കുക. അടിസ്ഥാന ശമ്പളത്തിന്റെ 31 ശതമാനമായിരുന്നു ക്ഷാമബത്ത നൽകിയിരുന്നത്. അതിന്മേലാണ് വർധനവ് ഇപ്പോൾ പ്രാബല്യത്തിൽ വരിക. ഇതോടെ പുതുക്കിയ ഡിഎ 34 ശതമാനമാകുകയും ചെയ്യും
