ആലപ്പുഴ:ഡിവൈഎഫ്ഐ നേതാക്കളുടെ ലഹരി ഉപയോഗ വിഷയത്തിൽ പ്രതികരണവുമായി ഡിവൈഎഫ്ഐ സംസ്ഥാന സെക്രട്ടറി വി കെ സനോജ്. ഡിവൈഎഫ്ഐ നേതാക്കളുടെ ലഹരി ഉപയോഗം നിഷേധിക്കുന്നില്ലെന്ന് അദ്ദേഹം വ്യക്തമാക്കി. ഡിവൈഎഫ്ഐ പ്രവര്ത്തകര് വെള്ളം കയറാത്ത അറകളില് സൂക്ഷിക്കപ്പെടുന്നവരല്ലെന്നും അദ്ദേഹം പറഞ്ഞു.
ഒറ്റപ്പെട്ട സംഭവങ്ങള് ഉണ്ടായിട്ടുണ്ടെന്നും തെറ്റായ വലതുപക്ഷ പ്രവണതകളില് അവർ പെട്ടുപോയിട്ടുണ്ടെന്നും അദ്ദേഹം പറഞ്ഞു. അവരും സമൂഹത്തിന്റെ ഭാഗമാണ്. അത്തരക്കാരോട് വിട്ടുവീഴ്ച ചെയ്യുകയില്ലെന്നും തിരുത്തുന്നില്ലെങ്കിൽ തള്ളുമെന്നും സംഘടന നടപടി സ്വീകരിക്കുമെന്നും അദ്ദേഹം അറിയിച്ചു.