കൊച്ചി: സിപിഎം സംസ്ഥാന സമിതിയിൽ നിന്ന് മുൻമന്ത്രി ജി.സുധാകരനെ (G Sudhakaran) ഒഴിവാക്കി. സംസ്ഥാന സമിതിയില് നിന്നും ഒഴിവാക്കണമെന്ന് ആവശ്യപ്പെട്ട് സുധാകരന് പാര്ട്ടി സെക്രട്ടറിയ്ക്ക് കത്ത് നല്കിയിരുന്നു. ഇതേത്തുടര്ന്നാണ് സംസ്ഥാന സമതിയില് നിന്ന് ഇദ്ദേഹത്തെ ഒഴിവാക്കിയതെന്നാണ് റിപ്പോര്ട്ട്.
അതേസമയം സംസ്ഥാന സമിതിയില് 75 വയസെന്ന പ്രായ പരിധി കര്ശനമാക്കുമെന്ന തീരുമാനത്തിനിടെ 75 വയസ്സുള്ള ജി സുധാകരന് ഇളവു ലഭിക്കുമെന്ന് അഭ്യൂഹങ്ങള് പുറത്തുവന്നിരുന്നു. എന്നാൽ മുഖ്യമന്ത്രിയ്ക്കൊഴികെ മറ്റാർക്കും ഇളവ് നൽകില്ല എന്നാണ് വിവരം. സംസ്ഥാന സമിതിയില് തുടരാന് ആഗ്രഹം ഇല്ലെന്നു വ്യക്തമാക്കി പാര്ട്ടി സെക്രട്ടറിക്കും മുഖ്യമന്ത്രിക്കും ആണ് സുധാകരന് നേരത്തെ കത്ത് നല്കിയത്.
എന്നാല് അദ്ദേഹത്തെ സംസ്ഥാന സമിതിയില് നിന്ന് ഒഴിവാക്കാന് ആകില്ല എന്ന നിലപാടിലായിരുന്നു സിപിഎം സംസ്ഥാന സെക്രട്ടറി കോടിയേരി ബാലകൃഷ്ണന്. കേന്ദ്ര കമ്മിറ്റി തീരുമാനം അനുസരിച്ചാണ് സംസ്ഥാന കമ്മറ്റിയിലെ അംഗങ്ങള്ക്ക് പ്രായപരിധി നിശ്ചയിച്ച് നടപ്പാക്കാന് തീരുമാനിച്ചത്. 75 വയസ് കഴിഞ്ഞവരെ ഒഴിവാക്കുമ്പോള് പുതിയ ഉത്തരവാദിത്തം നല്കുമെന്നും പാര്ട്ടി സുരക്ഷിതത്വം നല്കുമെന്നും സിപിഎം സംസ്ഥാന സെക്രട്ടറി പ്രതികരിച്ചിരുന്നു.