തിരുവനന്തപുരം: നെടുമങ്ങാട് ജില്ലാ ആശുപത്രിയിൽ വൃത്തിഹീനമായ സാഹചര്യത്തിൽ പ്രവർത്തിച്ചിരുന്ന കുടുംബശ്രീ കാന്റീൻ ആരോഗ്യവിഭാഗം അടച്ചുപൂട്ടി. കാന്റീനിൽ നിന്നും പാഴ്‌സൽ വാങ്ങിയ ഭക്ഷണത്തിൽ ഈച്ചയുടെയും അട്ടയുടെയും അവശിഷ്ടങ്ങൾ കണ്ടെത്തിയിരുന്നു. ഇതേ തുടർന്ന് ആരോഗ്യവകുപ്പ് കാന്റീനിൽ പരിശോധന നടത്തിയത്.
ആശുപത്രി ജീവനക്കാരി വാങ്ങിയ പാഴ്‌സലിൽ ആണ് ഈച്ചയുടെയും, അട്ടയുടെയും അവശിഷ്ടങ്ങൾ കണ്ടത്. ഇതിന്റെ ചിത്രങ്ങൾ സമൂഹമാദ്ധ്യമങ്ങളിൽ ജീവനക്കാരി പങ്കുവയ്‌ക്കുകയും അത് വ്യാപകമായി പ്രചരിച്ചതിനെയും തുടർന്ന് ആരോഗ്യവകുപ്പ് എത്തി കാന്റീനിൽ പരിശോധന നടത്തിയത്.
ലൈസൻസ് ഇല്ലാതെയാണ് കാന്റീൻ പ്രവർത്തിച്ചിരുന്നതെന്നാണ് പരിശോധനയിൽ ആരോഗ്യവകുപ്പിന്റെ കണ്ടെത്തൽ. ഇതേ തുടർന്ന് ആരോഗ്യവകുപ്പ് കാന്റീൻ അടച്ച്പൂട്ടി സീൽ ചെയ്യുകയായിരുന്നു.
