ഇംഫാല്‍: കേന്ദ്ര ആഭ്യന്തരമന്ത്രി അമിത് ഷായുടെ അഭ്യര്‍ത്ഥന മാനിച്ച് മണിപ്പൂരിലെ വിവിധ സ്ഥലങ്ങളില്‍ കലാപകാരികള്‍ ആയുധങ്ങളുമായി കീഴടങ്ങിയതായി മണിപ്പൂര്‍ പൊലീസ് അറിയിച്ചു. ഇന്‍സാസ് റൈഫിള്‍, കാര്‍ബൈന്‍ റൈഫിള്‍, എകെ 47 ഉള്‍പ്പടെ 140 ആയുധങ്ങലുമായാണ് കലാപകാരികൾ കീഴടങ്ങിയത്. .മണിപ്പൂരിലെ കലാപം അവസാനിപ്പിക്കാന്‍ കേന്ദ്ര ആഭ്യന്തരമന്ത്രി അമിത് ഷാ കഴിഞ്ഞ ദിവസങ്ങളില്‍ സംസ്ഥാനത്ത് ക്യാമ്പ് ചെയ്തിരുന്നു. അതിനിടെയാണ് സമാധാനന്തരീക്ഷം നിലനിര്‍ത്താനായി കലാപകാരികളോട് ആയുധങ്ങളുമായി കീഴടങ്ങാന്‍ കേന്ദ്ര ആഭ്യന്തരമന്ത്രി ആവശ്യപ്പെട്ടത്.
പലയിടങ്ങളിലും ജനജീവിതം സാധാരണനിലയിലായതോടെ വിവിധ ജില്ലകളിൽ പ്രഖ്യാപിച്ച കര്‍ഫ്യൂവിന് ഇളവ് അനുവദിച്ചു. അതിനിനിടെ മണിപ്പൂരിലെ സ്ഥിതിഗതികള്‍ അറിയിക്കാനായി ആഭ്യന്തരമന്ത്രി രാഷ്ട്രപതിയുമായി കൂടിക്കാഴ്ച നടത്തി. മണിപ്പൂരില്‍ നിന്നും ദില്ലിയില്‍ തിരിച്ചെത്തിയ അമിത് ഷാ രാഷ്ട്രപതി ഭവനില്‍ എത്തിയായിരുന്നു കൂടിക്കാഴ്ച നടത്തിയത്
