ഐസിസി ടെസ്റ്റ് ടീം റാങ്കിങ്ങിൽ ഇന്ത്യ ഒന്നാം സ്ഥാനം നിലനിർത്തി. എന്നാൽ വിൻഡീസിനോടു 2-1ന് പരമ്പര അടിയറവുവച്ച ഇംഗ്ലണ്ട് അഞ്ചാം സ്ഥാനത്തേക്കു കൂപ്പുകുത്തി. ഓസ്ട്രേലിയയിലെ കന്നി പരമ്പര വിജയത്തിന്‍റെ പകിട്ടിൽ നിൽക്കുന്ന ഇന്ത്യ 116 പോയിന്‍റുമായാണ് ഒന്നാം സ്ഥാനം കാത്തുസൂക്ഷിച്ചത്.
ദക്ഷിണാഫ്രിക്ക (110), ന്യൂസിലൻഡ് (107) എന്നിവർ തുടർന്നുള്ള സ്ഥാനങ്ങളിൽ. വിൻഡീസിനോടേറ്റ തോൽവിയോടെ ഇംഗ്ലണ്ടിന് (104) നാലു പോയിന്‍റ് നഷ്ടപ്പെട്ടു. ഏഴു പോയിന്‍റുകൾ ലഭിച്ചെങ്കിലും വിൻഡീസ് (77) എട്ടാം സ്ഥാനത്ത് തുടരുകയും ചെയ്തു.
