റിപ്പബ്ലിക് ദിനത്തില് കര്ഷകരുടെ ട്രാക്ടര് റാലിക്കിടയില് ചെങ്കോട്ടയില്,ഖാലിസ്ഥാൻ കൊടിയുയര്ത്താന് നേതൃത്വം നല്കിയ പഞ്ചാബി നടനും ഗായകനുമായ ദീപ് സിദ്ദു അറസ്റ്റില്. പഞ്ചാബില് വെച്ചാണ് ദില്ലി പോലീസിന്റെ സെപ്ഷ്യല് സെൽ ഈയാളെ അറസ്റ്റ് ചെയ്തത്. കിസാന് റാലിക്കിടെയുണ്ടായ അനിഷ്ടസംഭവങ്ങളില് ആരോപണവിധേയനായ ദീപ് സിദ്ദുവിനെക്കുറിച്ച് വിവരം നല്കുന്നവര്ക്ക് ഒരു ലക്ഷം രൂപ ദില്ലി സര്ക്കാര് ഇനാം പ്രഖ്യാപിച്ചിരുന്നു.
ദീപ് സിദ്ദുവും സംഘവുമാണ് സകല അക്രമങ്ങള്ക്കും നേതൃത്വം നല്കിയതെന്ന് ദില്ലി പോലീസ് വ്യക്തമാക്കുന്നു. ചെങ്കോട്ടയില് അക്രമം നടത്തിയതും പതാക ഉയര്ത്തിയതും ദീപ് സിദ്ദുവിന്റെ നേതൃത്വത്തിലുള്ള സംഘമാണ്, എന്നാൽ ആ സമരവുമായി തങ്ങൾക്ക് ബന്ധമില്ലെന്നും അക്രമസമരത്തെ തള്ളിക്കളയുന്നുവെന്നും കര്ഷക സമരനേതാക്കള് വ്യക്തമാക്കിയിരുന്നു.