ജമ്മുകാശ്മീര്: ജമ്മുകാശ്മീരില് ഭീകരരും സൈന്യവുമായുണ്ടായ ഏറ്റുമുട്ടലില് രണ്ടു ഭീകരരെ സുരക്ഷാസേന വധിച്ചു. കാശ്മീരിലെ ബഡ്ഗാമിലാണ് ഏറ്റുമുട്ടലുണ്ടായത്. പ്രദേശത്ത് ഭീകരരുടെ സാന്നിദ്ധ്യമുള്ളതായി പോലീസിന് രഹസ്യവിവരം ലഭിച്ചതിന്റെ അടിസ്ഥാനത്തിലാണ് സുരക്ഷാ സേന പ്രദേശത്ത് എത്തിയത്. സൈനികരെ കണ്ട ഭീകരര് ഇവര്ക്ക് നേരെ വെടിയുതിര്ക്കുകയായിരുന്നു. തുടര്ന്നാണ് ഏറ്റുമുട്ടല് ഉണ്ടായത്.
കശ്മീര് പോലീസ്, 50 രാഷ്ട്രീയ റൈഫിള്സ്, സിആര്പിഎഫ് എന്നിവരുടെ സംയുക്ത സംഘമാണ് ഭീകരരുമായി ഏറ്റുമുട്ടിയത്. പ്രദേശം ഇപ്പോള് പൂര്ണ്ണമായും സുരക്ഷാ സേനയുടെ നിയന്ത്രണത്തിലാണ്.