നിയമവിരുദ്ധ മതപരിവര്ത്തനം തടയല് ഓര്ഡിനന്സ് പ്രകാരം ഉത്തര്പ്രദേശില് ആദ്യ അറസ്റ്റ്. കഴിഞ്ഞ ദിവസമാണ് ഉത്തരവ് പുറത്തിറക്കിയത്. ബറേലി സ്വദേശിയായ 21കാരന് ഉവൈഷ് അഹമ്മദാണ് അറസ്റ്റിലായത്. കേസ് രജിസ്റ്റര് ചെയ്തത് മുതല് യുവാവ് ഒളിവിലായിരുന്നു.
ഷരിഫ്നഗര് സ്വദേശി ടിക്കാറാം റാത്തോഡ് എന്നയാളുടെ പരാതിയിലായിരുന്നു പോലീസ് ഇയാളെ അറസ്റ്റ് ചെയ്തത്. പഠിക്കുന്ന കാലത്ത് 20കാരിയായ മകളെ പ്രണയം നടിച്ച് നിര്ബന്ധിത മതപരിവര്ത്തനത്തിന് ശ്രമിച്ചെന്നാണ് പരാതി. കുടുംബത്തെ ഭീഷണിപ്പെടുത്തിയെന്നും പറയുന്നു. യുവാവിനെതിരെ പെണ്കുട്ടിയെ തട്ടിക്കൊണ്ടുപോയതിന് കേസുണ്ടെന്ന് ബറേലി റൂറല് എസ്പി സന്സര് സിംഗ് പറഞ്ഞു.