ഗാസ: ഗാസ അതിര്‍ത്തിയില്‍ ഇസ്രയേല്‍ സൈന്യത്തിന്‍റെ വെടിവയ്പ്. പലസ്തീന്‍ റിബലുകള്‍ നടത്തിയ സംഘര്‍ഷത്തെ തുടര്‍ന്നാണ് സൈന്യം വെടിവയ്പ് നടത്തിയത്. ആക്രമണത്തെ തുടര്‍ന്ന് ആളിപ്പടര്‍ന്ന തീയും പുകയും മറയാക്കി റിബലുകള്‍ വീണ്ടും അതിര്‍ത്തിയിലെത്തി. ഇതോടെ ഇസ്രയേല്‍ സൈന്യം കണ്ണീര്‍ വാതകം പ്രയോഗിക്കുകയും സംഘര്‍ഷാവസ്ഥ തുടര്‍ന്നതോടെ വീണ്ടും വെടിയുതിര്‍ക്കുകയുമായിരുന്നു.
സംഘര്‍ഷത്തില്‍ ആര്‍ക്കും പരുക്കേറ്റിട്ടില്ല. ഇസ്രയേലിന്‍റെ ഭാഗമായ പ്രദേശങ്ങളില്‍ തങ്ങളുടെ വീടുകളിലേക്ക് തിരികെവരാന്‍ അനുവദിക്കണമെന്നാവശ്യപ്പെട്ടാണ് പലസ്തീന്‍ റിബലുകളുടെ ആക്രമണം.
