തിരുവനന്തപുരം: സംസ്ഥാനത്ത് നാളെയും മറ്റന്നാളും കനത്ത മഴയ്ക്ക് സാധ്യതയെന്ന് കാലാവസ്ഥാ നിരീക്ഷണകേന്ദ്രം അറിയിച്ചു. നാളെ തിരുവനന്തപുരം, കൊല്ലം, ഇടുക്കി ജില്ലകളില് ശക്തമായ മഴയ്ക്ക് സാധ്യതയുണ്ടെന്ന് കാലാവസ്ഥ വകുപ്പ് മുന്നറിയിപ്പ് നല്കി. ഈ ജില്ലകളില് യെല്ലോ അലര്ട്ട് പ്രഖ്യപിച്ചു.
ഡിസംബര് ഒന്നിന് ഇടുക്കി, എറണാകുളം, വയനാട് ജില്ലകളിലും ശക്തമായ മഴയ്ക്ക് സാധ്യതയുണ്ട്. അതിനാല് ഈ ജില്ലകളിലും യെല്ലോ അലര്ട്ടും പ്രഖ്യാപിച്ചിട്ടുണ്ട്.
കേരളത്തില് തുലാമഴയില് 54 ശതമാനം വര്ധനയാണുണ്ടായത്. ഒക്ടോബര് ഒന്നുമുതലുള്ള കണക്കുകളനുസരിച്ച് കാസര്കോട്ടും കോഴിക്കോട്ടുമാണ് ഏറ്റവും കൂടുതല് മഴ കിട്ടിയത്.