തിരുവനന്തപുരം: കരമനയിലെ ഭൂമി തട്ടിപ്പുകേസില് ആരോപണ വിധേയനായ കാര്യസ്ഥന്റെ ബാങ്ക് അക്കൗണ്ടുകള് മരവിപ്പിച്ചു. കാര്യസ്ഥന് രവീന്ദ്രന് നായരുടെയും ഭാര്യയുടെയും ജില്ലാ സഹകരണ ബാങ്കിലുള്ള അക്കൗണ്ടുകളാണ് പോലീസ് നിര്ദേശത്തെ തുടര്ന്ന് മരവിപ്പിച്ചത്.
കരമന കൂടത്തില് കുടുംബത്തിലെ ഭൂമി ഉള്പ്പെടെയുള്ള വസ്തുവകകള് തട്ടിയെടുത്തെന്ന പരാതിയിലും ദുരൂഹമരണത്തിലും കരമന പോലീസ്, കാര്യസ്ഥന് ഉള്പ്പെടെയുള്ളവര്ക്കെതിരെ കഴിഞ്ഞ ദിവസം കേസെടുത്തിരുന്നു. മരിച്ച ജയമാധവന്റെ ബന്ധു പ്രസന്നകുമാരിയുടെ പരാതിയുടെ അടിസ്ഥാനത്തിലാണ് പോലീസ് കേസെടുത്തത്.കൂടത്തി
ല് കുടുംബത്തിലെ ജയമാധവന്റെ കാര്യസ്ഥന് രവീന്ദ്രന്, മുന് വയനാട് കളക്ടര് മോഹന്ദാസ്, ജയമാധവന്റെ സഹായികളായിരുന്ന സഹദേവന്, വീട്ടു ജോലിക്കാരി ലീല എന്നിവര് ഉള്പ്പെടെ 12 പേര്ക്കെതിരേയാണ് പോലീസ് കേസെടുത്തത്. രവീന്ദ്രന് നായര് ഒന്നാം പ്രതിയും മുന് കളക്ടര് മോഹന്ദാസ് പത്താം പ്രതിയുമാണ്.