തിരുവനന്തപുരം; റിപ്പബ്ലിക് ദിനത്തിൽ തലസ്ഥാനത്തു നടന്ന അഴിഞ്ഞാട്ടങ്ങൾക്ക് പിന്തുണയുമായി എത്തിയ ചലച്ചിത്ര നടന്‍ സണ്ണി വെയ്നിന് ഫേസ്ബുക്കിൽ പൊങ്കാല. ഭാരതം സമാധാനപരമായി ആഘോഷങ്ങൾ കൊണ്ടാടുമ്പോൾ കാര്‍ഷിക നിയമങ്ങള്‍ക്കെതിരെയെന്ന പേരിൽ സമരം ചെയ്തു അക്രമങ്ങളുണ്ടാക്കിയതിന് ശേഷം ‘കര്‍ഷകര്‍ക്ക് പിന്തുണ’ എന്ന പേരിലാണ് സണ്ണി വെയ്ൻ പോസ്റ്റ് ഇട്ടത്. മാത്രമല്ല തലസ്ഥാനത്തെ അരാജകത്വത്തിന് ശേഷമാണ് സണ്ണി വെയ്‌ന്റെ പോസ്റ്റ്. ഇതിനെതിരെ നിരവധി പേരാണ് വിമർശനവുമായി രംഗത്തെത്തിയത്.
അതേസമയം സണ്ണി വെയ്ന്‍ ഇതിന് മുമ്പും കേന്ദ്ര സര്‍ക്കാരിനെതിരെ പരസ്യമായ വിമര്‍ശനവുമായി രംഗത്തുവന്നിരുന്നു. പൗരത്വ ഭേദഗതി നിയമത്തിനെതിരെ 1945ല്‍ പുറത്തിറങ്ങിയ ‘ഡോണ്ട് ബി എ സക്കര്‍’ എന്ന ഹൃസ്വചിത്രത്തിലെ രംഗം ഫേസ്ബുക്കില്‍ പങ്കുവെച്ചാണ് നേരത്തെ സണ്ണി വെയ്ന്‍ പ്രതിഷേധം അറിയിച്ചത്. എന്നാൽ ഖാലിസ്ഥാൻ ഭീകരവാദികൾക്ക് പിന്തുണയുമായെത്തിയ സണ്ണി വെയ്‌നെതിരെ പ്രതിഷേധം രൂക്ഷമാണ്.
