Friday, March 29, 2024
spot_img

കോൺഗ്രസ് നേതാവിന്റെ മരണത്തിൽ, മുഖ്യമന്ത്രിക്ക് പരാതിയുമായി മക്കൾ; മരണത്തിൽ ഡിജിപിക്ക് നൽകിയ പരാതി കെ.സുധാകരന്റെ സമ്മർദ്ദം മൂലം പിൻവലിച്ചെന്നും ആരോപണം

തിരുവനന്തപുരം : കോൺഗ്രസ് നേതാവ് പ്രതാപചന്ദ്രന്റെ മരണത്തിൽ മുഖ്യമന്ത്രിക്ക് പരാതി നൽകി. കോൺഗ്രസ് നേതാക്കളുടെ കടുത്ത മാനസിക പീഡനത്തെ തുടർന്നാണ് പ്രതാപചന്ദ്രൻ മരിച്ചതെന്നു ചൂണ്ടിക്കാട്ടി അദ്ദേഹത്തിന്റെ മക്കളാണ് പരാതി നൽകിയിരിക്കുന്നത്. സംഭവത്തിൽ മുൻപ് ഡിജിപിക്ക് പരാതി നൽകിയിരുന്നെങ്കിലും കെപിസിസി പ്രസിഡന്റ് കെ.സുധാകരന്റെ സമ്മർദ്ദം മൂലം പിൻവലിക്കേണ്ടി വന്നുവെന്നും മുഖ്യമന്ത്രിക്ക് നൽകിയ പരാതിയിൽ പറയുന്നു.

അന്വേഷിച്ച് നടപടി സ്വീകരിക്കുമെന്ന് സുധാകരൻ ഉറപ്പ് നൽകിയെങ്കിലും, അതു പാലിക്കാതെ വഞ്ചിച്ചതായി പരാതിയിൽ കുറ്റപ്പെടുത്തി. പ്രതാപചന്ദ്രന്റെ മരണത്തിൽ വിശദമായ അന്വേഷണം വേണമെന്നും നീതി ലഭ്യമാക്കണമെന്നുമാണ് പരാതിയിലെ ആവശ്യം.

Related Articles

Latest Articles