തിങ്കളാഴ്ച മണ്സൂണ് സമ്മേളനത്തിന് മുന്നോടിയായി ലോക്സഭാ സ്പീക്കര് ഓം ബിര്ള വിളിച്ച സര്വകക്ഷിയോഗം കോണ്ഗ്രസും ഡിഎംകെയും ഒഴികെയുള്ള പ്രതിപക്ഷ പാര്ട്ടികളെല്ലാം ഒഴിവാക്കി. വൈകിട്ട് പാര്ലമെന്റ് വളപ്പില് നടന്ന യോഗത്തില് കോണ്ഗ്രസിലെ അധീര് രഞ്ജന് ചൗധരിയും ഡിഎംകെയില് നിന്ന് ടിആര് ബാലുവും മാത്രമാണ് പങ്കെടുത്തത്.
‘സായുധ സേനയ്ക്കുള്ള കേന്ദ്രത്തിന്റെ ഹ്രസ്വകാല റിക്രൂട്ട്മെന്റ് പദ്ധതി- അഗ്നിപഥ് പദ്ധതി, തൊഴിലില്ലായ്മ, കര്ഷകരുടെ പ്രശ്നങ്ങള് എന്നിവ ചര്ച്ച ചെയ്യണമെന്ന് ആവശ്യപ്പെട്ടിട്ടുണ്ട്,’ യോഗത്തില് പങ്കെടുത്ത ശേഷം കോണ്ഗ്രസിന്റെ അധീര് രഞ്ജന് ചൗധരി പറഞ്ഞു. പ്രശ്നങ്ങള് ഉന്നയിക്കാന് പ്രതിപക്ഷത്തിന് മതിയായ സമയം നല്കണമെന്നും ചൗധരി ആവശ്യപ്പെട്ടു.