ദില്ലി: ഉത്തര്പ്രദേശില് ഐഎസ് ലഘുലേഖകളും ഇലക്ട്രോണിക് ഉപകരണങ്ങളുമായി പിഎഫ്ഐ നേതാവ് പിടിയിൽ. കഴിഞ്ഞ ദിവസത്തെ പിഎഫ്ഐ നേതാക്കളുടെ അറസ്റ്റിന് പിന്നാലെ രക്ഷപ്പെടാന് ശ്രമിച്ച, അബ്ദുള് മജീദിനെയാണ് ലക്നൗവില് വച്ച് പോലീസ് അറസ്റ്റ് ചെയ്തത്. രഹസ്യവിവരത്തിന്റെ അടിസ്ഥാനത്തില് നടത്തിയ തെരച്ചിലിലാണ് ഇയാളെ പിടികൂടിയത്.
ഇതിനിടെ, ഹവാല വഴി പിഎഫ്ഐ ഗള്ഫില് നിന്നും കേരളത്തിലേക്ക് കോടികള് അയച്ചതായി എന്ഫോഴ്സ്മെന്റ് ഡയറക്ടറേറ്റ് കോടതിയില് വെളിപ്പെടുത്തി. വ്യാജ സംഭാവന രസീതുകള് ഉണ്ടാക്കി അബുദാബിയിലെ ധർബാർ ഹോട്ടല് ഹബ്ബ് ആക്കിയാണ് ഇന്ത്യയിലേക്ക് ഹവാല പണമൊഴുക്കിയത് എന്നാണ് കണ്ടെത്തല്. തങ്ങൾ അറസ്റ്റു ചെയ്ത അബ്ദുള് റസാക്ക് ബിപിയാണ് ഹോട്ടലിലെ ഹവാല ഇടപാടുകള്ക്ക് ചുക്കാന് പിടിച്ചതെന്നും ഇഡി ആരോപിച്ചു. ‘താമർ ഇന്ത്യ’ എന്ന ഇയാളുടെ മറ്റൊരു സ്ഥാപനവും ഹവാല ഇടപാടിനായി ഉപയോഗിച്ചുവെന്നാണ് അന്വേഷണ ഏജന്സി പറയുന്നത്.