Friday, March 29, 2024
spot_img

ഏറ്റവും ആവേശകരമായ ഫുട്ബോൾ മത്സരങ്ങളിൽ ഒന്നായി ഇത് ഓർമ്മിക്കപ്പെടും!; ആവേശം പകർന്ന് നരേന്ദ്രമോദിയും,അർജന്റീനക്ക് ആശംസകൾ അറിയിച്ച് പ്രധാനമന്ത്രി,വേറിട്ട പ്രകടനത്തിന് ഫ്രാൻസിനും അഭിനന്ദനങ്ങൾ….

ദില്ലി :ലോകത്തെ ഒന്നടങ്കം ആവേശത്തിരയിലാഴ്ത്തിയ ഫിഫ ലോക കപ്പിന്റെ ആവേശത്തിൽ ഇന്ത്യയോടൊപ്പം പങ്ക് ചേർന്ന് പ്രധാനമന്ത്രി നരേന്ദ്രമോദിയും.ഏറ്റവും ആവേശകരമായ ഫുട്ബോൾ മത്സരങ്ങളിൽ ഒന്നായി ഇത് ഓർമ്മിക്കപ്പെടുമെന്ന് അദ്ദേഹം വ്യക്തമാക്കി.ലോക ചാമ്പ്യൻമാരായതിന് അർജന്റീനയ്ക്ക് അഭിനന്ദനങ്ങൾ അറിയിക്കുകയും ഫൈനലിലേക്കുള്ള വഴിയിൽ തങ്ങളുടെ കഴിവും കായികക്ഷമതയും കൊണ്ട് ആരാധകരെ സന്തോഷിപ്പിച്ച ഫ്രാൻസിന് ആശംസകൾ അറിയിക്കുകയും ചെയ്തു.

അർജന്റീന ഉജ്ജ്വലമായി കളിച്ചു.അർജന്റീനയുടെയും മെസ്സിയുടെയും ദശലക്ഷക്കണക്കിന് ഇന്ത്യൻ ആരാധകർ ഗംഭീര വിജയത്തിൽ ആഹ്ളാദിക്കുന്നു.ഇന്ത്യ ഒന്നടങ്കം മെസ്സിയുടെ ഗോളുകൾക്കായ് കാത്തിരുന്നു.നിരാശപ്പെടുത്താതെ അവരുടെ ആഗ്രഹം മെസ്സി സഫലമാക്കുകയും ചെയ്തു.അതെ സമയം തങ്ങളുടെ കഴിവും കായികക്ഷമതയും ഒട്ടും കുറയാതെ തന്നെ നിലനിർത്തി കൊണ്ട് വളരെ മികച്ചൊരു പ്രകടനം കാഴ്ചവെക്കാൻ ഫ്രാൻസിനും കഴിഞ്ഞു.ഇരു ടീമുകൾക്കും എല്ലാ വിധ ആശംസകളും അറിയിക്കുന്നുവെന്നും പ്രധനമന്ത്രി വ്യക്തമാക്കി.

Related Articles

Latest Articles