ദില്ലി : പുല്‍വാമ ആക്രമണത്തിന്‍റെ പശ്ചാത്തലത്തില്‍ പാക്കിസ്ഥാനോടുള്ള നിലപാട് കടുപ്പിച്ച്‌ ഇന്ത്യ. പാക് സിനിമാ താരങ്ങള്‍ക്കും പ്രവര്‍ത്തകര്‍ക്കും ഇന്ത്യ സമ്പൂര്‍ണ വിലക്കേര്‍പ്പെടുത്തി. ഓള്‍ ഇന്ത്യ സിനി വര്‍ക്കേഴ്സ് അസോസിയേഷന്‍ വാര്‍ത്താക്കുറിപ്പിലൂടെയാണ് ഇക്കാര്യം വ്യക്തമാക്കിയത്.
പാക് ചലച്ചിത്ര താരങ്ങളുടെയോ പ്രവര്‍ത്തകരുടെയോ ഒപ്പം സഹകരിച്ച്‌ പ്രവര്‍ത്തിക്കണമെന്ന് ഏതെങ്കിലും സംഘടനകളോ വ്യക്തികളോ നിര്‍ബന്ധിച്ചതായി പരാതി ലഭിച്ചാല്‍ അവര്‍ക്കെതിരെയും അസോസിയേഷന്‍ നടപടി സ്വീകരിക്കുമെന്നും വാര്‍ത്താക്കുറിപ്പില്‍ വ്യക്തമാക്കിയിട്ടുണ്ട്. രാജ്യത്തിനാണ് പ്രഥമ പരിഗണനയെന്നും മറ്റെന്തും അതിനു ശേഷമേ ഉള്ളുവെന്നും അസോസിയേഷന്‍ കുറിപ്പില്‍ രേഖപ്പെടുത്തിയിട്ടുണ്ട്.
