ശാസ്ത്ര ഗവേഷണങ്ങളിൽ ഭാരതീയ തത്വചിന്തയിൽ അന്തർലീനമായ സുസ്ഥിരത ആശയങ്ങൾ കൊണ്ടുവരാനുള്ള ആഹ്വാനത്തോടെ 30-ാമത് സ്വദേശി ശാസ്ത്ര കോൺഗ്രസിനു തുടക്കം.കേന്ദ്ര ശാസ്ത്ര സാങ്കേതിക വകുപ്പ് സെക്രട്ടറി ഡോ. ചന്ദ്രശേഖർ കോൺഗ്രസ് ഉദ്ഘാടനം ചെയ്തു. ശാസ്ത്ര-സാങ്കേതിക രംഗത്ത് പ്രകടമായ മാറ്റങ്ങൾ സമീപ വർഷങ്ങളിൽ കാണാൻ കഴിഞ്ഞതായി അദ്ദേഹം നിരീക്ഷിച്ചു. ശാസ്ത്രത്തിന്റെ ഏതെങ്കിലും ശാഖയിൽ ഗവേഷണം നടത്തുന്നതിന് ഇന്ത്യൻ തത്ത്വചിന്തയിൽ അന്തർലീനമായ സുസ്ഥിരത ആശയങ്ങൾ കൊണ്ടുവരാനും അത്തരം മാതൃകകൾ പഠിക്കാൻ മറ്റ് രാജ്യങ്ങളെ ഇന്ത്യയിലേക്ക് ആകർഷിക്കാനും അദ്ദേഹം ശാസ്ത്രജ്ഞരോട് ആഹ്വാനം ചെയ്തു.
എൻഐടി-സി ഡയറക്ടർ ഡോ.പ്രസാദ് കൃഷ്ണൻ പരമേശ്വർ ജി അനുസ്മരണ പ്രഭാഷണവും ഡോ. എ സുജിത്ത് സി വി രാമൻ അനുസ്മരണ പ്രഭാഷണം നടത്തി. “സുസ്ഥിര ജീവിതശൈലിക്ക് സമഗ്രമായ സമീപനം – ഇന്ത്യൻ വിജ്ഞാന വ്യവസ്ഥയിൽ നിന്നുള്ള കാഴ്ചപ്പാടുകൾ ” എന്ന വിഷയത്തിലായിരുന്നു മുഖ്യപ്രഭാഷണം. സ്വദേശി ശാസ്ത്ര പ്രസ്ഥാനം കേരള പ്രസിഡന്റ് ഡോ.കെ.മുരളീധരൻ ചടങ്ങിൽ അദ്ധ്യക്ഷത വഹിച്ചു. എൻഐടി-സിയിലെ ഇന്ത്യൻ നോളജ് സിസ്റ്റം പ്രൊഫസർ സി.ശ്രീധരൻ സ്വാഗതവും എൻഐടി-സി ഡോ. ആഷിസ് അവസ്തി നന്ദിയും പറഞ്ഞു. വിജ്ഞാന ഭാരതിദേശീയ സെക്രട്ടറി വിവേകാനന്ദ പൈ, ഡോ.എ.ആർ.എസ്.മേനോൻ, രാജീവ് നായർ (സ്വദേശി സയൻസ് മൂവ്മെന്റ് കേരള), ഡോ. ശ്യാമസുന്ദര എം, രജിസ്ട്രാർ, എൻഐടി-സി. രാജ്യത്തിന്റെ വിവിധ ഭാഗങ്ങളിൽ നിന്നുള്ള 250-ലധികം പ്രതിനിധികൾ മൂന്ന് ദിവസത്തെ കോൺഗ്രസിൽ പങ്കെടുക്കുന്നുണ്ട്.