മാഘ മാസത്തിലെ വെളുത്തപക്ഷത്തിലെ പഞ്ചമി നാളിൽ നടക്കുന്ന ആഘോഷമാണ് വസന്തപഞ്ചമി. വാഗ്ദേവതയായ സരസ്വതി ദേവിയെ പൂജിക്കുന്ന ഈ ദിവസം ശ്രീ പഞ്ചമി എന്നും അറിയപ്പെടുന്നു അറിവിന്റെയും സംസാരത്തിന്റെയും കലയുടെയും സംഗീതത്തിന്റെയും ദേവതയായ സരസ്വതി ദേവി ജനിച്ചത് ഈ വസന്തപഞ്ചമി ദിനത്തിലാണ്.
ഇന്ന് മാഘമാസത്തിലെ വെളുത്തപക്ഷത്തിലെ പഞ്ചമി നാൾ. ഇത് ശ്രീപഞ്ചമി , വസന്തപഞ്ചമി, സരസ്വതീ പഞ്ചമി എന്നെല്ലാം അറിയപ്പെടുന്നു. ദക്ഷിണേന്ത്യയിൽ ഈ ദിനത്തിൽ ദേവിയെ ത്രിപുരസുന്ദരീ ഭാവത്തിലാണ് ആരാധിക്കപ്പെടുന്നത്.
ദേവീ പ്രീതികരമായ ഈ ദിനത്തിൽ ലളിതാസഹസ്രനാമം , മഹാലക്ഷ്മീ സ്തവം , മഹാലക്ഷ്മീ അഷ്ടകം , ദേവീ മാഹാത്മ്യം എന്നീ ദേവീ പ്രീതികരമായവ ജപിക്കാം.
‘ഓം സരസ്വതി മഹാഭാഗേ
വിദ്യേ കമല ലോചനേ
വിശ്വരൂപേ വിശാലാക്ഷി
വിദ്യാം ദേഹി നമോസ്തുതേ’
വസന്ത പഞ്ചമി ദിവസം ഈ മന്ത്രം ചൊല്ലുന്നത് സരസ്വതീദേവിയെ പ്രീതിപ്പെടുത്താൻ അത്യുത്തമമാണ്.
(കടപ്പാട്)