തിരുവനന്തപുരം : മലയാളക്കരയുടെ ആടുതോമയെയും ചാക്കോമാഷിനെയുമൊന്നും മലയാള സിനിമാപ്രേമികൾ മറക്കാനിടയില്ല.ഇപ്പോഴിതാ ഫോർ കെ മികവിൽ റീറിലീസിനെത്തിയിരിക്കുകയാണ് സ്ഫടികം സിനിമ. എന്നാൽ സിനിമ കാണാൻ തീയറ്ററിലെത്തിയവരിൽ മന്ത്രിമാരും ജനപ്രതിനിധികളും ഉണ്ടെന്നുള്ളതാണ് ഇപ്പോഴത്തെ ശ്രദ്ധേയ വിഷയം. തിരുവനന്തപുരം ഏരീസ് പ്ലക്‌സ് തീയറ്ററിലാണ് നിയമസഭാംഗങ്ങൾക്കായി സ്ഫടികം സിനിമയുടെ പ്രത്യേക പ്രദർശനമൊരുക്കിയിരിക്കുന്നത് . 28 വർഷത്തെ ഇടവേളക്ക് ശേഷം പുത്തൻ സാങ്കേതിക വിദ്യയുടെ സഹായത്തോടെയാണ് മോഹൻലാലിന്റെ എക്കാലത്തെയും മികച്ച ചിത്രമായ സ്ഫടികം വീണ്ടും എത്തിയത് .
വർഷങ്ങൾക്ക് മുൻപ് ആരാധകരിൽ രോമാഞ്ചം വിതച്ച മോഹൻലാൽ ചിത്രം ഫോർ കെ മികവിൽ കാഴ്ചയിലും കേൾവിയിലും മാറ്റം വരുത്തിയാണ് ഇപ്പോൾ തിരശീലയിൽ എത്തിയിരിക്കുന്നത്. ഈ മാറ്റം സിനിമയ്ക്ക് ഗംഭീരമായ ദൃശ്യാവിഷ്‌കാരമാണ് നല്കിയിരിക്കുന്നതെന്നാണ് സിനിമ കണ്ടവരുടെ പ്രതികരണം
