ആലപ്പുഴ : കുട്ടനാട്ടിൽ സിപിഎം ന് താത്കാലിക ആശ്വാസം. പ്രവർത്തകർക്കിടയിൽ ഉയർന്നു വന്ന പരാതികള്‍ അതത് ഘടകങ്ങളില്‍ ചര്‍ച്ച ചെയ്യാനാണു നിര്‍ദേശം. പരിഹാരമാകാത്ത പരാതികളില്‍ ജില്ലാ കമ്മിറ്റി തീരുമാനമെടുക്കും. കുട്ടനാട്ടിലെ പ്രശ്നങ്ങളുമായി ബന്ധപ്പെട്ട് 10 ലോക്കൽ കമ്മിറ്റികളിൽ ജില്ലാ സെക്രട്ടേറിയറ്റ് അംഗങ്ങളുടെ നേതൃത്വത്തിൽ ചർച്ചയിലാണ് തീരുമാനം. ഇതോടെ പാർട്ടി വിടുമെന്ന് ചൂണ്ടി കാണിച്ച് കത്ത് നൽകിയിരുന്ന മുന്നൂറോളം പ്രവർത്തകരെ തടഞ്ഞു നിർത്താൻ പാർട്ടിക്കായി.
കുട്ടനാട്ടിലെ പ്രശ്നങ്ങളുമായി ബന്ധപ്പെട്ട് 10 ലോക്കൽ കമ്മിറ്റികളിൽ ജില്ലാ സെക്രട്ടേറിയറ്റ് അംഗങ്ങളുടെ നേതൃത്വത്തിലാണ് ചർച്ച നടന്നത് .മുന്നൂറോളം ആളുകൾ പാർട്ടി അംഗത്വം ഉപേക്ഷിക്കുന്നതിനായി കത്തുനൽകിയ 6 ലോക്കൽ കമ്മിറ്റികളിലെ പരാതികൾ പ്രത്യേക മുൻഗണനയോടെ പരിഹരിച്ചു.പരാതികളിൽ നടപടി സ്വീകരിക്കാൻ അതത് ലോക്കൽ കമ്മിറ്റികൾക്ക് ജില്ലാ നേതൃത്വം നിർദേശം നൽകിയിട്ടുണ്ട് .
