കാസര്‍ഗോഡ് : വീട്ടില്‍ക്കയറി യുവതി അതിക്രമിച്ച പോലീസുകാരനെ കാഞ്ഞങ്ങാട് പോലീസ് പിടികൂടി . കണ്ണൂര്‍ എ.ആര്‍. ക്യാമ്പിലെ സീനിയര്‍ സിവില്‍ പോലീസ് ഓഫീസര്‍ ടി.വി,. പ്രദീപാണ് കസ്റ്റഡിയിലായത്. മാനഹാനി വരുത്തല്‍, വീട്ടില്‍ അതിക്രമിച്ചുകയറല്‍ എന്നീ കുറ്റങ്ങളാണ് ഇയാൾക്ക് മേൽ പോലീസ് ചുമത്തിയിരിക്കുന്നത്. ഇന്ന് കോടതിയില്‍ ഹാജരാക്കിയ ഇയാളെ റിമാന്‍ഡ് ചെയ്തു.
സ്ത്രീകളെ കടന്നുപിടിയ്ക്കാന്‍ ശ്രമിക്കുക, സ്ത്രീകള്‍ക്കെതിരെ അസഭ്യവര്‍ഷം നടത്തുക തുടങ്ങിയവ ശീലമാക്കിയ ഇയാൾക്കെതിരെ കണ്ണൂര്‍ ശ്രീകണ്ഠാപുരത്തും സിറ്റി പോലീസ് സ്‌റ്റേഷനിലും കാസര്‍കോട് ഹോസ്ദുര്‍ഗ് പോലീസ് സ്‌റ്റേഷനിലും സമാന രീതിയിലുള്ള കേസുകള്‍ നിലവിലുണ്ട്.
പ്രദീപിനെതിരെ വകുപ്പുതല നടപടികള്‍ ഉണ്ടായേക്കും.
