ഹൈദരാബാദ്: തയ്യൽക്കാരനായ ഭർത്താവ് തുന്നിയ ബ്ലൗസ് ഇഷ്ടപ്പെടാത്തതിനെ ചൊല്ലിയുണ്ടായ വാക്കുതര്ക്കത്തിനൊടുവില്. യുവതി ജീവനൊടുക്കി. ഹൈദരാബാദിലാണ് സംഭവം. വിജയലക്ഷ്മിയെ(35) ആണ് കിടപ്പുമുറിയില് മരിച്ച നിലയില് കണ്ടെത്തിയത്. ബ്ലൗസിനെ ചൊല്ലി ഭർത്താവുമായി ഇവർ വഴക്കിട്ടിരുന്നു. ഇതിനു ശേഷം മുറിയിൽ കയറി ഇവർ ജീവനൊടുക്കുകയായിരുന്നു.
കഴിഞ്ഞ ദിവസം ശ്രീനിവാസ് വിജയലക്ഷ്മിക്കു വേണ്ടി ബ്ലൗസ് തുന്നി നൽകിയിരുന്നു. എന്നാൽ അത് വിജയലക്ഷ്മിക്ക് ഇഷ്ടപ്പെടാഞ്ഞതിനാൽ ഇവർ ശ്രീനിവാസുമായി വഴക്കുണ്ടാക്കി. താൻ പറയുന്ന രീതിയിൽ ബ്ലൗസ് തുന്നി നൽകണമെന്ന് വിജയലക്ഷ്മി ആവശ്യപ്പെട്ടുവെങ്കിലും ശ്രീനിവാസ് അത് നിരസിച്ചു. ഇതേതുടർന്ന് കലഹം രൂക്ഷമായി. പിന്നീട് സ്കൂൾ വിട്ട് കുട്ടികൾ വീട്ടിലെത്തിയപ്പോഴാണ് കിടപ്പുമുറിയുടെ വാതിൽ അടച്ചിരിക്കുന്നതായി കണ്ടത്. കുട്ടികൾ മുറിയുടെ ജനൽ തുറന്ന് നോക്കിയപ്പോൾ വിജയലക്ഷ്മിയെ അകത്ത് തൂങ്ങിയ നിലയിൽ കണ്ടെത്തുകയായിരുന്നു. സംഭവത്തിൽ പോലീസ് കേസ് എടുത്തു.