ഡല്‍ഹിയില്‍ കോവിഡ് ബാധിച്ച് ഡോക്ടര്‍ ദമ്പതികളും രണ്ട് ബിഎസ്എഫ് ജവാന്മാരും മരിച്ചു

ഡല്‍ഹിയില്‍ കോവിഡ് ബാധിച്ച് ഡോക്ടര്‍ ദമ്പതികളും
രണ്ട് ബിഎസ്എഫ് ജവാന്മാരും മരിച്ചു

ദില്ലി: രാജ്യതലസ്ഥാനത്ത് കോവിഡ് 19 ബാധിച്ച് ഡോക്ടറും ഭാര്യയും മരിച്ചു. ഡോക്ടര്‍ റിപ്പോണ്‍ മാലിക്കും ഭാര്യയുമാണ് മരിച്ചത്. ജബാംഗീര്‍പുരിയില്‍ സ്വകാര്യ ക്ലിനിക്ക് നടത്തുകയായിരുന്നു ഡോക്ടര്‍. അതേസമയം ഡല്‍ഹിയില്‍ കോവിഡ് ബാധിച്ചവരുടെ എണ്ണം 5532 ആയി. 65 പേരാണ് ഇതുവരെ ഡല്‍ഹിയില്‍ കോവിഡ് ബാധിച്ച് മരിച്ചത്. 1542 പേര്‍ രോഗമുക്തരായിരുന്നു.

രണ്ട് ബിഎസ്എഫ് ജവാന്മാരും മരിച്ചു. ബിഎസ്എഫിലെ 41 ജവാന്മാര്‍ക്കുകൂടി കോവിഡ് സ്ഥിരീകരിച്ചതായും സേനയിലെ മുതിര്‍ന്ന ഉദ്യോഗസ്ഥന്‍ അറിയിച്ചു. ഇതോടെ കോവിഡ് സ്ഥിരീകരിച്ച ബിഎസ്എഫ് ജവാന്മാരുടെ എണ്ണം 193 ആയി ഉയര്‍ന്നു.

മരിച്ച ജവാന്മാര്‍ക്ക് ആശുപത്രിയില്‍ ചികിത്സയ്ക്കായി പോയപ്പോഴാണ് കോവിഡ് ബാധിച്ചതെന്നാണ് റിപ്പോര്‍ട്ട്. ഒരാളെ മേയ് മൂന്നിനും മറ്റൊരാളെ മേയ് നാലിനുമാണ് ചികിത്സയ്ക്കായി ആശുപത്രിയില്‍ പ്രവേശിപ്പിച്ചിരുന്നത്. കോവിഡ് ബാധിച്ച രണ്ട് ബിഎസ്എഫ് ജവാന്മാര്‍ രോഗമുക്തരായി.