പന്ത്രണ്ടാമത് അനന്തപുരി ഹിന്ദു മഹാസമ്മേളനം വരുന്ന ജനുവരി 6 മുതൽ 11 വരെ ; സ്വാഗത സംഘം രൂപീകരിച്ചു

ഹിന്ദു ധർമ്മ പരിഷത്തിന്റെ ആഭിമുഖ്യത്തിൽ സംഘടിപ്പിക്കുന്ന പന്ത്രണ്ടാമത് അനന്തപുരി ഹിന്ദു മഹാസമ്മേളനത്തിനോടനുബന്ധിച്ചുള്ള സ്വാഗത സംഘം രൂപീകരിച്ചു. തിരുവനന്തപുരം നാഷണൽ ക്ലബിൽ നടന്ന ചടങ്ങിലാണ് സ്വാഗത സംഘം രൂപീകരിച്ചത്.

തിരുവനന്തപുരം പുത്തിരിക്കണ്ടം മൈതാനത്തെ സ്വാമി സത്യാനന്ദ സരസ്വതി നഗറിൽ 2024 ജനുവരി 6 ന് തിരിതെളിയുന്ന പന്ത്രണ്ടാമത് അനന്തപുരി ഹിന്ദു മഹാസമ്മേളനത്തിന് ജനുവരി 11 ന് കൊടിയിറങ്ങും

സനാതന ധർമ്മം എന്റെ അഭിമാനമാണ്, എന്റെ ആചാരവും അവകാശവുമാണ് എന്നതാണ് ഇത്തവണത്തെ ആദർശ സൂക്തം. ആദ്ധ്യാത്മിക, സാംസ്‌കാരിക, കാലാ സാഹിത്യ രംഗത്തെ പ്രമുഖ വ്യക്തിത്വങ്ങളാണ് മാർഗനിർദ്ദേശങ്ങൾ നൽകുക. ഇതിന്റെ ഭാഗമായി 5 ദിവസത്തെ രഥയാത്രയും, അയ്യപ്പ ആഴിപൂജയും, വിശ്വ മംഗള മഹാഗണപതി ഹോമവും നടത്തും. മാത്രമല്ല ദിവസവും പ്രത്യേക സെമിനാറുകളും, കേരളീയ കലകളും, പൊതുയോഗങ്ങളും സംഘടിപ്പിച്ചിട്ടുണ്ട്.