8 വയസ്സുകാരൻ പുകവലിക്കുന്നത് കയ്യോടെ പിടികൂടി; രക്ഷപ്പെടാൻ അമ്മയോട് 18കാരൻ പീഡനത്തിനിരയാക്കിയെന്ന കഥ; ഒടുവിൽ കേസിൽ നിർണായക വിധിയുമായി പോക്‌സോ കോടതി

മുംബൈ: മുംബൈയിൽ 18കാരനെതിരായ വ്യാജ പോക്‌സോ കേസിൽ നിർണായക വിധിയുമായി കോടതി. എട്ടുവയസുകാരനായ കുട്ടിയെ പതിനെട്ടുകാരനായ യുവാവ് പ്രകൃതി വിരുദ്ധ പീഡനത്തിനിരയാക്കിയെന്ന കേസിലാണ് പോക്‌സോ കോടതി നിർണായക വിധി പുറപ്പെടുവിച്ചത്. എന്നാൽ കുട്ടിയുടേത് വ്യാജ പരാതിയാണെന്ന് മനസിലാക്കിയ കോടതി യുവാവിനെ വെറുതെ വിടുകയായിരുന്നു. മുംബൈയിലാണ് സംഭവം.

2017 നവംബറിലാണ് കേസിനാസ്പദമായ സംഭവം നടക്കുന്നത്. 8 വയസ്സുകാരൻ പുകവലിക്കുന്നത് അമ്മ കയ്യോടെ പിടികൂടി. വഴക്ക് പറയുന്നതിനിടെ മറ്റ് ദു:ശ്ശീലങ്ങൾ എന്തെല്ലാമുണ്ടെന്ന് ചോദിച്ചു. അതിനിടെയാണ് സ്‌കൂളിന്റെ ബാത്ത്‌റൂമിൽ വെച്ച് 18 കാരൻ തന്നെ പ്രകൃതി വിരുദ്ധ പീഡനത്തിന് വിധേയനാക്കിയതായി കുട്ടി ആരോപിച്ചത്. തുടർന്ന് കുട്ടിയുടെ അമ്മ പരാതി നൽകുകയും പോലീസ് കേസെടുക്കുകുമായിരുന്നു. എന്നാൽ 18 വയസ്സുകാരൻ കുട്ടിയുടെ ആരോപണം നിഷേധിച്ചു. തന്നെ കള്ളക്കേസിൽ കുടുക്കിയതാണെന്നും 18കാരൻ ആരോപിച്ചു.

അതേസമയം ഈ കേസിന്റെ വാദത്തിനിടെയാണ് 18കാരൻ കുറ്റക്കാരനാണ് എന്നതിനുള്ള തെളിവില്ലെന്ന് കോടതി കണ്ടെത്തിയത്. 18 വയസ്സുകാരനെതിരെ മതിയായ തെളിവുകൾ ഹാജരാക്കാൻ പ്രോസിക്യൂഷന് സാധിച്ചില്ല എന്ന് ചൂണ്ടിക്കാട്ടിയാണ് കോടതി പ്രതിയെ വെറുതെ വിട്ടത്. എന്നാൽ മതിയായ തെളിവുകൾ ഹാജരാക്കാൻ പ്രോസിക്യൂഷന് കഴിഞ്ഞില്ലെന്നും കോടതി ചൂണ്ടിക്കാട്ടി. 8 സാക്ഷികളെയാണ് പ്രോസിക്യൂഷൻ കോടതിയിൽ ഹാജരാക്കിയത്. എന്നാൽ കോടതിയിൽ കുട്ടി നൽകിയ മൊഴി നേരത്തെ പോലീസിന് നൽകിയ മൊഴിയുമായി പൊരുത്തക്കേടുകൾ ഉണ്ടെന്ന് പ്രത്യേക കോടതി ജഡ്ജി ഭാരതി കാലെ വിധി പറയുന്നതിനിടെ വ്യക്തമാക്കി.