ഭക്തജന സാഗരമായി പൗർണ്ണമിക്കാവ്; വിശേഷാൽ ഗണപതി ഹോമത്തിലും നിറപുത്തരിയിലും പങ്കെടുത്ത് സായൂജ്യമടഞ്ഞ് ഭക്ത ലക്ഷങ്ങൾ

തിരുവനന്തപുരം: വെങ്ങാനൂർ പൗർണ്ണമിക്കാവ് ശ്രീ ബാല ത്രിപുര സുന്ദരി ദേവീ ക്ഷേത്രത്തിൽ ആടി മാസത്തിലെ ശ്രാവണ പൗർണ്ണമിയായ ഇന്നലെ പഞ്ചമുഖ ഗണപതിയുടെ മുന്നിൽ വിശേഷാൽ ഗണപതി ഹോമം നടന്നു.വിശേഷാൽ ഗണപതി ഹോമത്തിലും ആചാരാനുഷ്ഠാനങ്ങളോടെ നടന്ന നിറപുത്തരി ചടങ്ങിലും പങ്കെടുക്കാൻ ഭക്തജന സാഗരമാണ് പൗർണമിക്കാവിൽ ഒഴുകിയെത്തിയത്

ശൃംഗേരി ശങ്കരാചാര്യ മഠത്തിലെ മുഖ്യ പുരോഹിതനായ ഫണി കുമാർ ശർമ്മയുടെ കാർമ്മികത്വത്തിലാണ് 1008 മോദകം,50 കറുക പുല്ല്,108 കരിമ്പ്,18 ഇനം വിശേഷാൽ ദ്രവ്യങ്ങൾ,ഉണ്ണിയപ്പം എന്നിവ കൊണ്ടുള്ള വിശേഷാൽ ഗണപതി ഹോമം നടന്നത്.അതോടൊപ്പം ആചാരാനുഷ്ഠാനങ്ങളോടെ നടന്ന നിറപുത്തരി ചടങ്ങ് ഭക്തർ ഭക്ത്യാദരവോടെയാണ് ഏറ്റെടുത്തത്.നിരവധി കലാപരിപാടികളും നടന്നു. ഏകദേശം ഒന്നര ലക്ഷത്തോളം ഭക്തജനങ്ങളാണ് പൗർണമിക്കാവിൽ ദർശനം നടത്തിയത്.