അമൃത്സറിൽ ശിവസേന നേതാവ് വെടിയേറ്റുമരിച്ചു;സുധീർ സുരിക്ക് വെടിയേറ്റത് നഗരത്തിലെ പ്രതിഷേധ പരിപാടിക്കിടെ

പഞ്ചാബ്: അമൃത്സറിൽ ശിവസേന നേതാവ് വെടിയേറ്റ് മരിച്ചു.സുധീർ സുരിയെന്ന ശിവസേന നേതാവാണ് വെടിയേറ്റ് കൊല്ലപ്പെട്ടത്.അമൃത്സറിലെ ക്ഷേത്രത്തിന് മുന്നിൽ ഒരു പ്രതിഷേധ പരിപാടിക്കിടെ ആക്രമി വെടിയുതിർക്കുകയായിരുന്നു.

വെടിയേറ്റ് നിലത്ത് വീണയുടൻ ഇദ്ദേഹത്തെ ആശുപത്രിയിലെത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.ആക്രമി നാല് തവണ വെടിയുതിർത്തുവെന്നാണ് ദൃക്‌സാക്ഷികൾ നൽകുന്ന വിവരം.സംഭവം നടന്നയുടൻ പോലീസ് കേസെടുത്ത് അന്വേഷണം ആരംഭിച്ചു