ആനഭീതിയിൽ ….! അട്ടപ്പാടിയിൽ കാട്ടാന വനംവകുപ്പിന്റെ ജീപ്പിന് നേരെ പാഞ്ഞടുത്തു; ഉദ്യോഗസ്ഥർ രക്ഷപ്പെട്ടത് തലനാരിഴക്ക്

പാലക്കാട് :അട്ടപ്പാടിയിൽ വനംവകുപ്പ് ഉദ്യോഗസ്ഥരുടെ വാഹനത്തിന് നേരെ കാട്ടാനയുടെ ആക്രമണം. ദൊഡ്ഡുകട്ടി ഊരിന് സമീപത്ത് കാട്ടാന ഇറങ്ങിയത് അറിഞ്ഞ് എത്തിയ റാപിഡ് റെസ്‌പോൺസ് ടീമിന്റെ ജീപ്പിന് മുന്നിലേക്കാണ് കാട്ടാന പാഞ്ഞടുത്തത്. ഇന്ന് പുലർച്ചെ പന്ത്രണ്ടരയോടെയാണ് സംഭവം. കാട്ടാനയുടെ ആക്രമണത്തിൽ നിന്ന് തലനാരിഴക്കാണ് ഉദ്യോഗസ്ഥർ രക്ഷപ്പെട്ടത്

റോഡിലേക്കിറങ്ങിയ ആന അപ്രതീക്ഷിതമായാണ് ജീപ്പിന് മുന്നിലേക്ക് പാഞ്ഞടുത്തത്. ജീപ്പ് കുറേ നേരം പുറകോട്ട് ഓടിച്ചാണ് കാട്ടാനയിൽ നിന്നും രക്ഷപ്പെട്ടത്. പിന്നാലെ പടക്കമെറിഞ്ഞും പാട്ട കൊട്ടി ശബ്ദമുണ്ടാക്കിയുമാണ് ആനയെ തിരികെ കാട്ടിലേക്ക് തിരിച്ചയച്ചത്.