വിവാഹലോചന അമ്മായി നിരസിച്ചു; യുവാവിന് നേരെ ആസിഡ് ആക്രമണം നടത്തി യുവതി ; കേസെടുത്ത് പോലീസ്

ഹരിയാന : വിവാഹലോചന അമ്മായി നിരസിച്ചു,യുവാവിന് നേരെ ആസിഡ് ആക്രമണം നടത്തി യുവതി. ഗുരുതരമായി പരിക്കേറ്റ യുവാവിനെ സ്വകാര്യ ആശുപത്രിയിൽ പ്രവേശിപ്പിച്ചു . ഹരിയാനയിലെ സോനിപത്തിലാണ് സംഭവം. യുവാവിന്റെ ബന്ധുക്കളുടെ പരാതിയെ തുടർന്ന് യുവതിയ്‌ക്കെതിരെ പോലീസ് കേസെടുത്തു . മയൂർ വിഹാർ സ്വദേശിയായ ശ്യാമിനാണ് ആക്രമണത്തിൽ പരിക്കേറ്റത്.

മാതാപിതാക്കളുടെ മരണശേഷം സോനിപത്തിൽ അമ്മായിക്കൊപ്പമാണ് ശ്യാം താമസിച്ചിരുന്നത്. ഏകദേശം ഒരു മാസം മുമ്പാണ് അഞ്ജലിയെ ശ്യാം പരിചയപ്പെടുകയും ഇരുവരും നല്ല സുഹൃത്തുക്കളാക്കുകയും ചെയ്തു . കുറച്ച് ദിവസങ്ങൾക്ക് മുമ്പ് അഞ്ജലി അമ്മയ്ക്കൊപ്പം വിവാഹത്തെ കുറിച്ച് സംസാരിക്കാനായി ശ്യാമിന്റെ വീട്ടിലെത്തി. എന്നാൽ ശ്യാമിന്റെ അമ്മായി അനിത, വിവാഹത്തെ എതിർത്തു.

ഇതിനുശേഷവും അഞ്ജലി ശ്യാമിനെ പിന്തുടരുന്നത് തുടർന്നു. തക്കം കിട്ടിയ അഞ്ജലി ശ്യാമിന് നേരെ ആസിഡ് ആക്രമണം നടത്തുകയായിരുന്നു. ഇതിൽ അദ്ദേഹത്തിന് ഗുരുതരമായി പരിക്കേറ്റു . അഞ്ജലിയ്‌ക്കെതിരെ ആരോപണങ്ങളുമായി അനിത രംഗത്ത് വന്നിട്ടുണ്ട് .