ഒന്നിന് പുറകെ ഒന്നായി ആരോപണങ്ങൾ ..ആടിയുലഞ്ഞ് മലയാള സിനിമ..ചാഞ്ചാട്ടം സിനിമയുടെ സെറ്റിൽ വച്ച് സംവിധായകൻ തുളസീദാസ് മോശമായി പെരുമാറിയെന്ന് നടി ഗീതാ വിജയൻ ! ആരോപണം നിഷേധിച്ച് സംവിധായകൻ

ഹേമ കമ്മിറ്റി റിപ്പോർട്ടിന് പിന്നാലെ സിനിമാ മേഖലയിൽ നിന്ന് ഉണ്ടായ ദുരനുഭവങ്ങൾ തുറന്ന് പറഞ്ഞ് കൂടുതൽ നടിമാർ രംഗത്ത്. 1991ല്‍ ചാഞ്ചാട്ടം സിനിമയുടെ സെറ്റില്‍ വച്ച് സംവിധായകൻ തുളസീദാസ് മോശമായി തന്നോട്ട് മോശമായി പെരുമാറിയിട്ടുണ്ടെന്ന് നടി ​ഗീതാ വിജയൻ ആരോപിച്ചു. തനിക്ക് മാത്രമല്ല ശ്രീദേവിക എന്നൊരു നടിക്കും തുളസീദാസില്‍ നിന്നും മോശം അനുഭവം ഉണ്ടായിട്ടുണ്ടെന്നും കതകില്‍ തട്ടുന്നത് ഉള്‍പ്പടെയുള്ള സംഭവങ്ങള്‍ ഉണ്ടായിട്ടുണ്ടെന്നും പ്രതികരിച്ചതിന്‍റെ പേരില്‍ തനിക്ക് അവസരങ്ങള്‍ നഷ്ടമായിട്ടുണ്ടെന്നും ഗീതാ വിജയന്‍ പറയുന്നു.

അതേസമയം ഗീതാ വിജയൻറെ ആരോപണം നിഷേധിച്ച് സംവിധായകൻ തുളസീദാസ് രംഗത്ത് വന്നിട്ടുണ്ട്. ഷൂട്ടിങ് കഴിഞ്ഞ് വളരെ സന്തോഷത്തോടെയാണ് പിരിഞ്ഞതെന്നും മോശം സംഭവം തന്റെ സെറ്റിൽ ഉണ്ടായിട്ടില്ലെന്നും തുളസീദാസ് പറഞ്ഞു