മാല പാർവതി
ലൈംഗികാതിക്രമ പരാതികള് ലളിതവത്കരിച്ച് സംസാരിച്ചെന്ന് ആരോപിച്ച് നടി മാല പാർവതിക്കെതിരെ രൂക്ഷ വിമർശനവുമായി സിനിമാ മേഖലയിൽ നിന്നടക്കമുള്ള സ്ത്രീകൾ. ഒരു യൂട്യൂബ് ചാനലില് നല്കിയ അഭിമുഖത്തിൽ നടത്തിയ പരാമര്ശമാണ് വിവാദമായിരിക്കുന്നത്. . ‘ബ്ലൗസ് ഒന്നുശരിയാക്കാൻ പോകുമ്പോൾ ഞാൻ കൂടി വരട്ടെയെന്ന് ചോദിച്ചാൽ ഭയങ്കര സ്ട്രെസായി, എല്ലാം അങ്ങ് തകർന്നുപോയി. അങ്ങനെയൊക്കെ എന്താ? പോടാ എന്ന് പറഞ്ഞാപോരെ.. ഇതൊക്കെ വലിയ വിഷമായി മനസിൽ കൊണ്ടുനടക്കേണ്ട കാര്യമുണ്ടോ?’ എന്നായിരുന്നു മാല പാര്വതിയുടെ പരാമര്ശം. മാല പാര്വതി സ്ത്രീകള് നേരിടുന്ന അതിക്രമങ്ങളെ തീര്ത്തും ലളിതവത്കരിച്ചു എന്നാണ് ഉയരുന്ന വിമര്ശനം. സിനിമ സെറ്റില് താന് നേരിട്ട അതിക്രമം കഴിഞ്ഞ ദിവസം നടി വിന്സി അലോഷ്യസ് തുറന്നു പറഞ്ഞിരുന്നു. ഷൂട്ടിങ്ങിനിടെ വസ്ത്രം ശരിയാക്കാന് പോയപ്പോള് സിനിമയിലെ പ്രധാന നടന് ‘ഞാന് കൂടി വരാം വസ്ത്രം ശരിയാക്കി തരാം’ എന്ന് പറഞ്ഞു എന്നായിരുന്നു വിന്സി അലോഷ്യസ് ആരോപിച്ചത്. ഇതിനെ മുന്നിര്ത്തിയായിരുന്നു മാല പാർവതിയുടെ പരാമർശം.
മാല പാര്വതിയെ ഓര്ത്ത് നാണം തോന്നുന്നുവെന്നും അവസരവാദിയാണ് മാല പാര്വതിയെന്നും നടി രഞ്ജിനി ഫേസ്ബുക്കില് കുറിച്ചു. സിനിമാ മേഖലയിലെ സൗഹൃദങ്ങള് തകരാതിരിക്കാനാകാം മാല പാര്വതിയുടെ പരാമര്ശമെന്ന് ഡബിംഗ് ആര്ട്ടിസ്റ്റ് ഭാഗ്യലക്ഷ്മി പ്രതികരിച്ചു.
സിനിമാ മേഖലയ്ക്ക് പുറത്തുനിന്നുള്ളവരും മാലാ പാര്വതിക്കെതിരെ വിമര്ശനവുമായി രംഗത്തുവന്നു. സമൂഹമാധ്യമ പേജുകളിലും മാല പാര്വതിയുടെ യൂട്യുബ് അഭിമുഖത്തിന് താഴെയുമെല്ലാം വിമര്ശനങ്ങള് വന്ന് നിറയുകയാണ്.
ന്യൂഡല്ഹി: ട്രായ് ഡാറ്റയെ അടിസ്ഥാനപ്പെടുത്തിയുള്ള പുതിയ ഐഐഎഫ്എല് ക്യാപിറ്റല് റിപ്പോര്ട്ട് അനുസരിച്ച് അഞ്ചിലൊരു വിഐ ഉപയോക്താവും നിഷ്ക്രിയം. ഐഐഎഫ്എല് ക്യാപിറ്റലിന്റെ…
പാലക്കാട് : രണ്ട് ബലാത്സംഗ കേസുകളില് പ്രതിചേര്ക്കപ്പെട്ടതിനെത്തുടര്ന്ന് 15 ദിവസമായി ഒളിവിലായിരുന്ന പാലക്കാട് എം.എല്.എ. രാഹുല് മാങ്കൂട്ടത്തില്. എംഎല്എ ബോര്ഡ്…
ധർമ്മസ്ഥല ആരോപണങ്ങളിൽ റിപ്പോർട്ട് സമർപ്പിച്ച് എസ് ഐ ടി ! ഉയർന്നത് വ്യാജ ആരോപണങ്ങൾ ! പിന്നിൽ ക്ഷേത്ര വിരുദ്ധ…
തിരുപ്പറം കുണ്ഡ്രം വിഷയത്തിൽ വേണ്ടിവന്നാൽ ഇടപെടുമെന്ന് ആർഎസ്എസ് സർസംഘചാലക് മോഹൻജി ഭാഗവത്. തമിഴ്നാട്ടിലെ ഹിന്ദുക്കൾ വളരെ ആത്മവിശ്വാസത്തോടുകൂടിയാണ് വിഷയത്തിൽ പ്രതികരിക്കുന്നത്…
2026 ജനുവരി 1 മുതല് കേന്ദ്ര സര്ക്കാര് ജീവനക്കാര്ക്കും പെന്ഷന്കാര്ക്കും എട്ടാം ശമ്പള കമ്മീഷന്റെ കുടിശ്ശിക നല്കാന് പോകുകയാണോ എന്നതാണ്.…
ദിലീപിനെ നായകനാക്കി, ഗോകുലം മൂവീസിന്റെ ബാനറിൽ ഗോകുലം ഗോപാലൻ നിർമിക്കുന്ന ‘ഭഭബ’യുടെ ട്രെയിലർ പുറത്ത്. ധനഞ്ജയ് ശങ്കർ എന്ന നവാഗതൻ…