കോൺഗ്രസിന്റെ ഭാരത് ജോഡോ യാത്രയിൽ നിന്ന് പിന്മാറി എൻ സി പി ; കോൺഗ്രസ്സിനെതിരെ അജിത് പവാറിന്റെ പ്രസ്താവന

കോൺഗ്രസ് സംഘടിപ്പിക്കുന്ന ഭാരത് ജോഡോ യാത്രയെക്കുറിച്ച് ദേശീയ കോൺഗ്രസ് പാർട്ടി (എൻസിപി) നേതാവും മുൻ മഹാരാഷ്ട്ര ഉപമുഖ്യമന്ത്രിയുമായ അജിത് പവാർ തിങ്കളാഴ്ച്ച പ്രതികരിച്ചു.

“കോൺഗ്രസ് ഭാരത് ജോഡോ യാത്ര , അവർ സ്വന്തമായി ആരംഭിച്ചു. ഇത് യുപിഎയുടെ ഭാരത് ജോഡോ യാത്രയല്ല, ഞങ്ങളോട് അതിനെക്കുറിച്ച് ചോദിച്ചില്ല,”

എന്നാൽ ഭാരത് ജോഡോ യാത്ര 2024ലെ പൊതുതെരഞ്ഞെടുപ്പിൽ സ്വാധീനം ചെലുത്തുമോ എന്നതിനെക്കുറിച്ച് മുൻ മഹാരാഷ്ട്ര മന്ത്രി പ്രതികരിച്ചില്ല. ലോക്‌സഭാ തെരഞ്ഞെടുപ്പിൽ ബിജെപിക്കെതിരെ ഒറ്റക്കെട്ടായി പോരാടാനുള്ള ശ്രമങ്ങളാണ് വിവിധ പ്രതിപക്ഷ പാർട്ടികളും നേതാക്കളും നടത്തുന്നത്.

2024ലെ തിരഞ്ഞെടുപ്പിൽ പാർട്ടി അധ്യക്ഷൻ ശരദ് പവാർ പ്രതിപക്ഷത്തിന്റെ പ്രധാനമന്ത്രി സ്ഥാനാർത്ഥിയാകില്ലെന്ന് എൻസിപി നേതാവ് പ്രഫുൽ പട്ടേൽ അടുത്തിടെ വ്യക്തമാക്കിയിരുന്നു.