പിണറായി വിജയൻ
തിരുവനന്തപുരം: കോട്ടയം മെഡിക്കല് കോളേജ് ആശുപത്രിയില് കാലപ്പഴക്കം ചെന്ന കെട്ടിടം തകർന്നു വീണ് മകൾക്ക് കൂട്ടിരിക്കാനെത്തിയ തലയോലപ്പറമ്പ് സ്വദേശിനി ബിന്ദു മരിച്ച സംഭവത്തിൽ ഒടുവിൽ പ്രതികരണവുമായി മുഖ്യമന്ത്രി പിണറായി വിജയന്. അപകടം നടന്ന് ഒരു ദിവസത്തിന് ശേഷമാണ് മുഖ്യമന്ത്രി പ്രതികരിച്ചിരിക്കുന്നത്. ഇന്നലെ കോട്ടയം മെഡിക്കൽ കോളേജിൽ മുഖ്യമന്ത്രി എത്തിയിരുന്നുവെങ്കിലും അപകട സ്ഥലമോ പരിക്കേറ്റവരെയോ സന്ദർശിച്ചിരുന്നില്ല.
ദൗര്ഭാഗ്യകരവും വേദനാജനകവുമായ അപകടങ്ങള് ആവര്ത്തിക്കാതിരിക്കാനുള്ള എല്ലാ മുന്കരുതലും സര്ക്കാര് ശക്തിപ്പെടുത്തുമെന്ന് മുഖ്യമന്ത്രി പ്രസ്താവനയിലൂടെ പറഞ്ഞു. ആരോഗ്യമേഖലയെ കൂടുതല് കരുത്തോടെ സര്ക്കാര് മുന്നോട്ടു കൊണ്ടുപോകുമെന്നും മുഖ്യമന്ത്രി പ്രസ്താവനയില് വ്യക്തമാക്കി.
‘കോട്ടയം മെഡിക്കല് കോളേജിലുണ്ടായതുപോലുള്ള ദൗര്ഭാഗ്യകരവും വേദനാജനകവുമായ അപകടങ്ങള് ആവര്ത്തിക്കാതിരിക്കാനുള്ള എല്ലാ മുന്കരുതലും സര്ക്കാര് ശക്തിപ്പെടുത്തും. മരണപ്പെട്ട ബിന്ദുവിന്റെ കുടുംബാംഗങ്ങള്ക്ക് ഉചിതമായ സഹായം നല്കും. അവരുടെ ദുഃഖത്തില് പങ്കു ചേരുന്നു. സര്ക്കാരിന്റെ സഹായങ്ങളും പിന്തുണയും അവര്ക്കുണ്ടാകും. ആരോഗ്യമേഖലയെ കൂടുതല് കരുത്തോടെ സര്ക്കാര് മുന്നോട്ടു കൊണ്ടുപോകും’ മുഖ്യമന്ത്രി പ്രസ്താവനയില് കുറിച്ചു.
കോട്ടയം മെഡിക്കല് കോളേജ് ആശുപത്രിയിലെ 11, 14 വാര്ഡുകള് ഉണ്ടായിരുന്ന കാലപ്പഴക്കംചെന്ന കെട്ടിടമാണ് ഇന്നലെ ഇടിഞ്ഞുവീണത്. കെട്ടിടത്തിന്റെ ശൗചാലത്തിന്റെ ഭാഗമാണ് പൊളിഞ്ഞുവീണത്. അപകടത്തില് ഒരുകുട്ടി ഉള്പ്പെടെ മൂന്നുപേര്ക്ക് പരിക്കേറ്റിരുന്നു. കെട്ടിടാവശിഷ്ടങ്ങളിൽ ആരും കുടുങ്ങിയിട്ടില്ലെന്ന നിഗമനത്തെ തുടര്ന്നാണ് രക്ഷാപ്രവര്ത്തനം വൈകിയത്. എന്നാൽ അമ്മയെ കാണാനില്ലെന്ന് മകള് നവമി പരാതി ഉന്നയിച്ചതോടെ തിരച്ചില് ആരംഭിക്കുകയായിരുന്നു. പുറത്തെടുത്തപ്പോള് ബിന്ദുവിന് ബോധമില്ലായിരുന്നു. തുടര്ന്ന് അത്യാഹിത വിഭാഗത്തിലെത്തിച്ച് അടിയന്തര ചികിത്സ ലഭ്യമാക്കിയെങ്കിലും രക്ഷിക്കാനായില്ല.
ന്യൂറോസര്ജറിക്കു വേണ്ടിയാണ് ബിന്ദുവിന്റെമകൾ നവമിയെ മെഡിക്കല് കോളേജ് ആശുപത്രിയില് പ്രവേശിപ്പിച്ചിരുന്നത്. രാവിലെ കുളിക്കുന്നതിന് വേണ്ടിയാണ് പതിനാലാം വാര്ഡിന്റെ മൂന്നാംനിലയിലേക്ക് ബിന്ദു എത്തിയതെന്നാണ് വിവരം.
കേരളത്തിന്റെ ഭൂപ്രകൃതിയിൽ എവിടെ തിരിഞ്ഞാലും കാണുന്ന, വേഗത്തിൽ പടർന്നു കയറുന്ന, എന്നാൽ യാതൊരു പ്രയോജനവുമില്ലാത്ത ഒരു കളസസ്യമുണ്ട് അതാണ് 'കമ്മ്യൂണിസ്റ്റ്…
കണ്ണൂർ: തദ്ദേശ തെരഞ്ഞെടുപ്പ് ഫലം പുറത്തുവന്നതിന് പിന്നാലെ കണ്ണൂർ പാനൂരിൽ വടിവാൾ അക്രമണം. പാനൂർ കുന്നോത്ത് പറമ്പ് പഞ്ചായത്ത് യുഡിഎഫ്…
പമ്പ : ശബരിമല സന്നിധാനത്ത് തീർത്ഥാടകർക്കിടയിലേക്ക് ഇടയിലേക്ക് പാഞ്ഞുകയറി അപകടം. രണ്ടുകുട്ടികള് ഉള്പ്പെടെ ഒന്പതുപേര്ക്ക് പരിക്കേറ്റു. ഇതില് രണ്ടുപേരുടെ നില…
ദില്ലി : തിരുവനന്തപുരം നഗരസഭയിൽ എൻഡിഎ വെന്നിക്കൊടി പായിച്ചതിന് പിന്നാലെ തിരുവനന്തപുരത്തിന് നന്ദിയറിയിച്ച് പ്രധാനമന്ത്രി നരേന്ദ്രമോദി. തിരുവനന്തപുരത്തിന് നന്ദിയെന്ന് എക്സിൽ…
കേരളത്തിലെ തദ്ദേശ തെരഞ്ഞെടുപ്പ് ഫലത്തിൽ പ്രതികരിച്ച് ശശി തരൂർ എംപി .സംസ്ഥാനത്ത് യുഡിഎഫ് നേടിയ വിജയത്തോടൊപ്പം തിരുവനന്തപുരം കോർപറേഷനിലെ ബിജെപിയുടെ…
തദ്ദേശ സ്വയംഭരണ തെരഞ്ഞെടുപ്പിൽ ഇടതുപപക്ഷം തകർന്നടിയുന്നതിനിടെ വിവാദ പരാമര്ശവുമായി ഉടുമ്പൻചോല എംഎൽഎ എം.എം മണി. ക്ഷേമപെന്ഷനും മറ്റും വാങ്ങി നല്ല…