ആറ് പേർക്ക് പുതുജീവനേകി വിദ്യാർത്ഥി യാത്രയായി; ഹൃദയം നിറച്ച് അമൽകൃഷ്ണയുടെ അവയവദാനം

ചേർപ്പ് : ആറ് പേർക്ക് പുതുജീവൻ നൽകി അമൽകൃഷ്ണ യാത്രയായി. മസ്തിഷ്കമരണത്തെതുടർന്നാണ് വല്ലച്ചിറ ഇളംകുന്ന് ചിറയിൽമേൽ വിനോദിന്റെ മകൻ അമൽകൃഷ്ണയുടെ അവയവങ്ങൾ ദാനം ചെയ്യപ്പെട്ടത്.
ഉണ്ണികുട്ടൻ എന്ന് നാട്ടുകാരും, സുഹൃത്തുക്കളും സ്നേഹത്തോടെ വിളിച്ചിരുന്ന അമൽകൃഷ്ണ ചേർപ്പ് ഗവ.സ്കൂൾ പ്ലസ് ടു വിദ്യാർത്ഥിയായിരുന്നു. തലച്ചോറിൽ നീർവീക്കം ബാധിച്ചതിനെതുടർന്ന് നവംബർ 17നാണ് തൃശൂരിലെ സ്വകാര്യ ആശുപത്രിയിൽ ചികിത്സ തേടിയത്.

രോഗം ഗുരുതരമായതിനെതുടർന്ന് 22ന് കൊച്ചിയിലേക്ക് മാറ്റിയെങ്കിലും വെള്ളിയാഴ്ച മരണപ്പെടുകയായിരുന്നു.
വൃക്ക, കരൾ,പാൻക്രിയാസ്, ചെറുകുടൽ, കണ്ണുകൾ എന്നിവയാണ് ദാനം ചെയ്തത്. പഠനത്തിൽ മിടുക്കനായിരുന്ന അമൽകൃഷ്ണക്ക് പത്താം ക്ലാസ്സിൽ എല്ലാ വിഷയങ്ങൾക്കും എ പ്ലസ് ഉണ്ടായിരുന്നുവെന്ന് അധ്യാപകൻ എം.എ.ശ്രീനിവാസൻ പറഞ്ഞു.