കാശ്മീരിൽ വീണ്ടും ഭീകരാക്രമണം,യുപി സ്വദേശിയായ 19കാരന് പരിക്ക്. അന്വേഷണം ആരംഭിച്ച് പോലീസ്

ശ്രീനഗർ: ജമ്മുകശ്മീരിൽ വീണ്ടും ഭീകരാക്രമണം. ഉത്തർപ്രദേശ് സ്വദേശിയായ ശുഭം കുമാറിന് (19) നേരെയാണ് ഭീകരർ വെടിയുതിർത്ത്. ബിജ്‌നോർ നിവാസിയായ ശുഭം കുമാറിന് പരിക്കേറ്റതിനെ തുടർന്ന് ആശുപത്രിയിൽ പ്രവേശിപ്പിച്ചു.

സംഭവം ഇന്നലെ രാത്രി ബട്ടഗുണ്ട ഗ്രാമത്തിൽവച്ചായിരുന്നു നടന്നത്. സുഹൃത്തുക്കളോടൊപ്പം വീടിന് പുറത്ത് നിൽക്കുമ്പോഴാണ് ഭീകരർ വാഹനത്തിൽ എത്തി വെടിയുതിർത്ത്. ആക്രമണത്തിന് ശേഷം ഭീകരർ കടന്ന് കളയുകയും ചെയ്തു . തുടർന്ന് പ്രദേശവാസികൾ ഉടൻ താനെ ശുഭം കുമാറിനെ ആശുപത്രിയിൽ എത്തിക്കുകയിരുന്നു.

കൈപ്പത്തിക്കു വെടിയേറ്റ ശുഭം കുറുമാറിനെ ശസ്ത്രക്രിയക്ക് വിധേയനാക്കിയതായും, യുവാവിന്റെ
ആരോഗ്യനില തൃപ്തികരമാണെന്നുമാണ് റിപ്പോർട്ട് . സംഭവത്തിൽ പോലീസ് അന്വേഷണം ആരംഭിച്ചു.

ഈ മാസം ജമ്മുകാശ്മീർ സ്വദേശികൾ അല്ലാത്തവരെ ലക്ഷ്യമാക്കി നടക്കുന്ന മൂന്നാമത്തെ ആക്രമണമാണ് ഇത്. ഈ മാസം 20-ാം തീയതി വിവിധ സംസ്ഥാനങ്ങളിൽ നിന്നുള്ള തൊഴിലാളികൾക്കെതിരെയും ഭീകരർ ആക്രമണം നടത്തിയിരുന്നു, അതിൽ ആറ് പേർക്ക് ജീവൻ നഷ്ടമായി. ഇതിനു രണ്ട് ദിവസം മുൻപ് ഒക്ടോബർ 18-ാം തീയതി ബിഹാർ സ്വദേശിയായ യുവാവും ഭീകരാക്രമണത്തിൽ കൊല്ലപ്പെട്ടിരുന്നു.