ഇന്ത്യാ – പാക് അതിർത്തിയിൽ നുഴഞ്ഞുകയറ്റ ശ്രമം പരാജയപ്പെടുത്തി സൈന്യം!മുന്നറിയിപ്പ് അവഗണിച്ച് ഇന്ത്യൻ അതിർത്തിയിലേക്ക് നുഴഞ്ഞുകയറാൻ ശ്രമിച്ചയാളെ വധിച്ചു

ഇന്ത്യാ – പാക് അതിർത്തിയിൽ നുഴഞ്ഞുകയറ്റ ശ്രമം സൈന്യം പരാജയപ്പെടുത്തി. മുന്നറിയിപ്പ് നൽകിയിട്ടും അത് അവഗണിച്ച് നുഴഞ്ഞു കയറ്റത്തിന് ശ്രമിച്ചയാൾ അതിർത്തി സുരക്ഷാ സേന നടത്തിയ വെടിവയ്പ്പിൽ കൊല്ലപ്പെട്ടു. പഞ്ചാബിലെ തൻ തരൺ ജില്ലയിൽ കഴിഞ്ഞ ദിവസം രാത്രിയായിരുന്നു സംഭവം.

പാകിസ്ഥാന്റെ ഭാഗത്ത് നിന്നാണ് ഒരാൾ നുഴഞ്ഞു കയറാൻ ശ്രമിച്ചതെന്നും തിരികെ പോകാൻ മുന്നറിയിപ്പ് നൽകിയിട്ടും ഇയാൾ ഇന്ത്യൻ അതിർത്തിയിലേക്ക് നുഴഞ്ഞുകയറുന്നതിൽ നിന്ന് പിന്മാറിയില്ലെന്നും തുടർന്ന് വെടിയുതിർക്കുകയായിരുന്നുവെന്നും അതിർത്തി രക്ഷാസേന പ്രസ്താവനയിലൂടെ അറിയിച്ചു. ജമ്മു കശ്മീരിൽ ഉൾപ്പെടെ അടുത്ത കാലത്തുണ്ടായ ഏറ്റുമുട്ടലുകളെ തുടർന്ന് അതിർത്തിയിൽ നിരീക്ഷണം ശക്തമാക്കിയതിന് പിന്നാലെയാണ് പഞ്ചാബിൽ ഈ സംഭവം ഉണ്ടായത്.