ഭൂമി കയ്യേറ്റം: അസം ഖാൻ ഊരാക്കുടുക്കിൽ; അസംഖാന്‍ നാലരക്കോടി രൂപ പിഴയടക്കണമെന്ന് കോടതി

രാംപുർ: ഭൂമി കൈയ്യേറ്റവുമായി ബന്ധപ്പെട്ട് ആരോപണ വിധേയനായ സമാജ് വാദി പാർട്ടി എം പി അസം ഖാന്‍റെ നിയന്ത്രണത്തിലുള്ള ജോഹർ സർവ്വകലാശാലയിൽ പൊലീസ് പരിശോധന നടത്തി. സർക്കാർ ഭൂമി കയ്യേറി സ്ഥാപിച്ചിരിക്കുന്ന സർവ്വകലാശാലയുടെ ഗേറ്റ് പൊളിച്ചു നീക്കാൻ സബ് ഡിവിഷണൽ മജിസ്ട്രേറ്റിന്‍റെ ഉത്തരവുണ്ടായിരുന്നു. ഇതിന് പിന്നാലെയാണ് പൊലീസ് പരിശോധന നടത്തിയത്.

സർവ്വകലാശാലയുടെ ഗേറ്റ് പൊതുമരാമത്ത് വകുപ്പിന്‍റെ ഭൂമി കയ്യേറി സ്ഥാപിച്ചതാണെന്ന് ഇക്കഴിഞ്ഞ ജൂലൈ 25ന് കോടതി കണ്ടെത്തിയിരുന്നു. ഗതാഗതക്കുരുക്ക് സൃഷ്ടിക്കുന്ന ഈ ഗേറ്റ് പതിനഞ്ച് ദിവസത്തിനകം പൊളിച്ച് മാറ്റാനും കോടതി ആവശ്യപ്പെട്ടിരുന്നു.

സർവ്വകലാശാലയുടെ ആജീവനാന്ത ചാൻസലറായ അസം ഖാൻ മൂന്ന് കോടി ഇരുപത്തിയേഴ് ലക്ഷം രൂപ പിഴയൊടുക്കണമെന്നും ഗേറ്റ് പൊളിച്ച് മാറ്റുന്നത് വരെ പ്രതിദിനം ഒൻപത് ലക്ഷത്തി പതിനായിരം രൂപ വീതം അധികമായി നൽകണമെന്നും കോടതി ഉത്തരവിട്ടിരുന്നു.