ഇ പി ജയരാജൻ, വിവാദമായ കട്ടൻ ചായയും പരിപ്പ് വടയും ആത്മകഥ
തിരുവനന്തപുരം : ഇ പി ജയരാജന്റെ ആത്മകഥാ വിവാദത്തിൽ ഡിസി ബുക്സിന്റെ മുന് പബ്ലിക്കേഷന് മാനേജര് എ.വി ശ്രീകുമാറിനെ ഒന്നാം പ്രതിയാക്കി പോലീസ് കേസെടുത്തു. ഇ.പി ജയരാജന്റെ ആത്മകഥ ‘കട്ടന് ചായയും പരിപ്പുവടയും’ പ്രസിദ്ധീകരിക്കുന്നതിനുമുമ്പേ പിഡിഎഫ് പ്രചരിപ്പിച്ച സംഭവത്തിലാണ് കേസ്.
ഇപി ജയരാജന്റെ ആത്മകഥ വിവാദത്തിൽ കേസെടുക്കാന് ക്രമസമാധാന ചുമതലയുള്ള എഡിജിപി നിർദ്ദേശം നൽകിയിരുന്നു. കോട്ടയം ജില്ലാ പോലീസ് മേധാവി എ.ഷാഹുല് ഹമീദിനാണ് നിര്ദേശം നല്കിയത്. വിശ്വാസ വഞ്ചനാ കുറ്റവും ഡിജിറ്റല് കോപ്പി പുറത്തുവിട്ടതുമായി ബന്ധപ്പെട്ട് ഐ.ടി ആക്ടും ചുമത്തും. നേരത്തെ സമർപ്പിച്ച പ്രാഥമിക റിപ്പോര്ട്ടിന്റെ അടിസ്ഥാനത്തിലാണ് നടപടി.
ആത്മകഥ ചോര്ന്നത് ഡിസി ബുക്സില് നിന്നെന്നായിരുന്നു കോട്ടയം എസ്പിയുടെ റിപ്പോര്ട്ടില് വ്യക്തമാക്കിയിരുന്നത്. ആത്മകഥ പകര്പ്പവകാശനിയമത്തിന്റെ പരിധിയില്വരുന്നതിനാല് പോലീസിന് നേരിട്ട് കേസെടുക്കാനാകില്ലെന്നും റിപ്പോര്ട്ടില് പറഞ്ഞിരുന്നു. രചയിതാവ് കോടതിയില് പോകുകയും കോടതി നിര്ദേശിക്കുകയും ചെയ്താലേ പോലീസിന് തുടര്നടപടി സ്വീകരിക്കാനാകൂവെന്നുമാണ് റിപ്പോര്ട്ടിലുണ്ടായിരുന്നത്. എന്നാല് കേസ് എടുക്കാന് പ്രത്യേക പരാതി ആവശ്യമില്ലെന്ന നിര്ദേശമാണ് ഇപ്പോള് എഡിജിപി കോട്ടയം എസ്പിക്ക് നല്കിയിരിക്കുന്നത്.
ഡി.സി.യുടെ പബ്ലിക്കേഷന് വിഭാഗം മേധാവിയില്നിന്നാണ് പുസ്തകം ചോര്ന്നതെന്ന് പോലീസ് കണ്ടെത്തിയിരുന്നു. ഇതുസംബന്ധിച്ച് സമര്പ്പിച്ച ആദ്യറിപ്പോര്ട്ട് കൂടുതല് അന്വേഷണത്തിനായി സംസ്ഥാന പോലീസ് മേധാവി മടക്കിനല്കുകയായിരുന്നു. തുടര്ന്നാണ്, വിഷയം പകര്പ്പവകാശനിയമത്തിന്റെ പരിധിയില് വരുന്നതാണെന്നുകാട്ടി ജില്ലാ പോലീസ് മേധാവി വീണ്ടും റിപ്പോര്ട്ട് നല്കിയത്.
ആത്മകഥ പ്രസിദ്ധീകരിക്കുന്നതിന് ആരെയും ചുമതലപ്പെടുത്തിയിട്ടില്ലെന്ന് ഇ.പി.ജയരാജനും, ഇ.പി.യുമായി ഇതുസംബന്ധിച്ച് ഒപ്പിട്ട കരാറില്ലെന്ന് രവി ഡി.സി.യും പോലീസിന് മൊഴി നല്കിയിരുന്നു. എന്നാല് പ്രസാധനത്തിന് ധാരണയുള്ളതായും വ്യക്തമാക്കിയിരുന്നു.
ശ്രീനഗര് : ജമ്മു കശ്മീരിലെ ഉധംപുര് ജില്ലയില് സുരക്ഷാ സേനയും ഭീകരരും തമ്മില് ഏറ്റുമുട്ടല്. ഉധംപുരിലെ സോൻ ഗ്രാമത്തില് ഇന്ന്…
ശ്രീനഗര്: പഹല്ഗാം ഭീകരാക്രമണത്തില് ദേശീയ അന്വേഷണ ഏജന്സി പ്രത്യേക എൻഐഎ കോടതിയിൽ സമർപ്പിച്ച കുറ്റപത്രത്തിന്റെ കൂടുതൽ വിവരങ്ങൾ പുറത്ത്. ഉണ്ടായത്…
അമ്മാൻ: ത്രിരാഷ്ട്ര സന്ദർശനത്തിന്റെ ഭാഗമായി പ്രധാനമന്ത്രി നരേന്ദ്രമോദി ജോർദാനിലെത്തി. ജോർദാൻ പ്രധാനമന്ത്രി ജാഫർ ഹസ്സൻ വിമാനത്താവളത്തിൽ വെച്ച് അദ്ദേഹത്തിന് ഊഷ്മളമായ…
ദില്ലി: ബിജെപി ദേശീയ വർക്കിംഗ് പ്രസിഡൻ്റായി ചുമതലയേറ്റെടുത്ത് നിതിൻ നബിൻ. ദില്ലിയിലെ പാർട്ടി ആസ്ഥാനത്തെത്തിയാണ് അദ്ദേഹം ചുമതലയേറ്റത്. ഊജ്വലസ്വീകരണമാണ് നേതാക്കളും…
ദില്ലി : പഹൽഗാം ഭീകരാക്രമണ കേസിൽ ദേശീയ അന്വേഷണ ഏജൻസി കുറ്റപത്രം സമർപ്പിച്ചു. ജമ്മുവിലെ എൻഐഎ കോടതിയിലാണ് കുറ്റപത്രം സമർപ്പിച്ചത്.…
ബിഹാറിൽ തോറ്റ കോൺഗ്രസിന് മോദിയെ കൊല്ലണം. കൊലവിളി മുദ്രാവാക്യവുമായി കോൺഗ്രസ് വനിതാ നേതാവ്. സംഭവം രാഹുൽ ഗാന്ധി പങ്കെടുത്ത പ്രതിഷേധ…