ആലപ്പുഴയിൽ സമ്മാനാർഹമായ ലോട്ടറി ടിക്കറ്റുകളും പണവുമടങ്ങിയ ബാഗ് കാണാതായി ! ബാഗിലുള്ളത് 5 ലക്ഷം രൂപയുടെ സമ്മാനാർഹമായ ടിക്കറ്റുകളും 50,000 രൂപയും

ആലപ്പുഴ : സമ്മാനാർഹമായ ലോട്ടറി ടിക്കറ്റുകളും പണവുമടങ്ങിയ ബാഗ് യാത്രക്കിടെ നഷ്ടമായെന്നു പരാതി. ലോട്ടറി ഏജന്റ് എടത്വ ചെക്കിടിക്കാട് വേലേ പറമ്പിൽ അലക്സാണ്ടറുടെ ബാ​ഗാണ് നഷ്ടമായത്. ബൈക്ക് യാത്രയ്ക്കിടെ ലോട്ടറിക്കടയിലെ ജീവനക്കാരനായ സാമിൽ നിന്നാണ് നഷ്ടമായത്. വളഞ്ഞ വഴിക്കും തകഴി പച്ചയ്ക്കുമിടയിലാണ് ബാ​ഗ് നഷ്ടമായത്. ബാ​ഗ്, അരയിൽ ബെൽറ്റിൽ കെട്ടി ഇരുചക്ര വാഹനത്തിൽ യാത്ര ചെയ്യുമ്പോഴാണ് നഷ്ടമായത്.

സമ്മാനാർ​ഹമായ 5,03,063 രൂപയുടെ വിവിധ ലോട്ടറി ടിക്കറ്റുകളും ടിക്കറ്റെടുക്കാനായി കരുതിയിരുന്ന 50,850 രൂപയുമാണ് ബാ​ഗിലുണ്ടായിരുന്നത്. ആലപ്പുഴ ജില്ലാ പോലീസ് മേധാവി, അമ്പലപ്പുഴ പൊലീസ് എന്നിവർക്ക് പരാതി നൽകി.